B.Duck & Buffy 德記茶樓 (Closed)

平時都唔會去飲茶嘅我，竟然俾徳記茶樓吸引到，因為呢間茶樓係b duck 主題，入面每一個角落都有B duck 嘅蹤影。我地都係點左平時飲茶必點嘅點心，有蝦餃燒賣，叉燒包，流沙奶黃包，小籠包，咸蛋咸水角等等。最鐘意嘅係流沙奶黃包同咸蛋咸水角，流沙奶黃包除左印左好得意嘅B duck樣之外，奶黃餡非常香，而且真係做到流沙嘅效果。咸水角大隻多餡又炸得脆，加埋咸蛋係幾特別，都幾夾嫁！另外仲叫左三絲炒脆麵，配料有肉絲，蘿蔔絲，蝦，芽菜，冬菇。麵炸到脆卜卜，加埋份量啱啱好嘅醬汁，唔會整到啲麵淋晒，麵條又軟又脆，口感非常豐富。開頭諗住為打卡先黎飲下茶，估唔到食物係有水準。真係睇得又食得。如果鐘意，仲可以買埋B duck返屋企添。