Video
Read full review
2018-08-16
75 views
早幾日同朋友傾計，聽佢極力推介呢間德國菜餐廳佢話幾抵食之餘，又好氣氛，今晚一於嚟試下佢！餐廳位於太子酒吧街嘅轉角位，面向大馬路當日我哋6點左右就到，唔算好多人但店裡嘅裝修就夠晒有德國酒吧嘅氣氛不禁回想起兩年前去德國嘅時光啊～本身打算叫 Fruit Punch 嘅我經理就可能估到我唔飲酒精飲品所以就介紹咗我試「Alcohol Free Beer Tap 3 $78」顧名思義就係無酒精嘅啤酒 (下?) 真係第一次聽呀～ 飲落係同普通啤酒一樣味道，近似 Hoegaarden但點解會有呢種啤酒嘅呢？經理就解釋話因為外國好多人食完飯都要揸車但又唔想個個都飲酒嘅時候自己就掃興冇得飲所以就發明咗呢類嘅無酒精嘅啤酒啦～「比亞荷夫烤腸拼盤 $168」重點推介!!! 朋友們都覺得呢個超抵食!!!圖中所見有十款不同口味嘅腸白色嘅分別有小牛仔腸，香草肉腸，迷你火雞腸較深色嘅係原味，黑胡椒腸，芝士，而黑色嘅係墨魚腸個人覺得最好食嘅係芝士腸同墨魚腸咬開芝士腸嘅脆皮，入面嘅芝士大爆發之餘，仲好有水份墨魚腸唔係淨係得個樣，入面一粒粒小墨魚粒其他腸都好好食，$168我哋覺得係超值，必試！「原隻招牌德國燒豬手 $268」
佢話幾抵食之餘，又好氣氛，今晚一於嚟試下佢！
餐廳位於太子酒吧街嘅轉角位，面向大馬路
當日我哋6點左右就到，唔算好多人
但店裡嘅裝修就夠晒有德國酒吧嘅氣氛
不禁回想起兩年前去德國嘅時光啊～
本身打算叫 Fruit Punch 嘅我
經理就可能估到我唔飲酒精飲品
所以就介紹咗我試「Alcohol Free Beer Tap 3 $78」
顧名思義就係無酒精嘅啤酒 (下?) 真係第一次聽呀～
飲落係同普通啤酒一樣味道，近似 Hoegaarden
但點解會有呢種啤酒嘅呢？
經理就解釋話因為外國好多人食完飯都要揸車
但又唔想個個都飲酒嘅時候自己就掃興冇得飲
所以就發明咗呢類嘅無酒精嘅啤酒啦～
「比亞荷夫烤腸拼盤 $168」
重點推介!!! 朋友們都覺得呢個超抵食!!!
圖中所見有十款不同口味嘅腸
白色嘅分別有小牛仔腸，香草肉腸，迷你火雞腸
較深色嘅係原味，黑胡椒腸，芝士，而黑色嘅係墨魚腸
個人覺得最好食嘅係芝士腸同墨魚腸
咬開芝士腸嘅脆皮，入面嘅芝士大爆發之餘，仲好有水份
墨魚腸唔係淨係得個樣，入面一粒粒小墨魚粒
其他腸都好好食，$168我哋覺得係超值，必試！
「原隻招牌德國燒豬手 $268」
上枱前廚師已經幫客人將豬手起咗肉，食起來方便好多
豬皮燒到卜卜脆，豬手肉又熱辣辣
特別要講嘅係餐廳自己調配嘅sauce
除咗有芥辣加咗蜜糖甜甜辣辣外，
仲有自家製嘅咖哩沙拉醬同蒜蓉沙拉醬～
個人比較喜歡蒜蓉沙拉醬 (無蒜不歡哈哈)
兩款醬同豬手出奇地夾，值得一試
「德國傳統焗薯批 $128 」
外表似蛋糕，口感似蘿蔔糕嘅焗薯批哈哈
淋上燒汁後可以好似薯蓉咁"不"嚟食
入面夾雜住煙肉粒同芝士粉
我相信唔會有好多餐廳有得食呢味菜，非常特別
總括而言，
喺香港想揾一間傳統正宗德國菜唔容易
要整得好食，價錢又合理就更加難
呢間餐廳嘅食物質素同服務都好好，
必定會再次光顧！
Post
