Video
Read full review
2018-06-04
2515 views
為咗要FAREWELL我既好朋友，希望喺佢臨離開香港時請佢食餐好既，周圍問朋友㨂邊一間餐廳好。咁啱我呢個朋友好鍾意食豬手，靈機一動諗起黎過呢度食德國烤焗豬手。呢度既環境同氣氛好適合三五知己食完晚飯飲返杯啤啤佢。我哋一行人五個女生，叫咗以下呢幾個菜色：水牛芝士沙律、黑森林火腿薄餅、紐倫堡肉腸伴馬鈴薯及德酸椰菜、德國烤焗豬手伴馬鈴薯沙律及德國酸椰菜。Original Munchner Lager (Halbe)Stiegl Grapefruit（呢個唔記得影相）呢杯好啱女仔飲，因為佢無咩一般啤酒既麥味同苦味，好容易入口。Mozzarella Salad水牛芝士沙律沙律配上的綠色醬汁好特別，再加上燒香咗既茄子片，好清新既開胃菜。Schwarzwalder Schinken Fladen黑森林火腿薄餅利申我係一個唔係幾鍾意食火箭菜既人，不過除咗食火箭菜既青草味之外，其他嘢都好OK。每一格既薄餅都分到有火腿，再加上佢既黑醋醬汁甜甜酸酸的味道，夠遮蓋火箭菜既味道。Numberger紐倫堡肉腸伴馬鈴薯及德酸椰菜紐倫堡肉腸配上薯容和酸椰菜，肉腸煎至外層香脆，一咬開入面既肉汁就流出黎。連配菜都做得好出色
我哋一行人五個女生，叫咗以下呢幾個菜色：水牛芝士沙律、黑森林火腿薄餅、紐倫堡肉腸伴馬鈴薯及德酸椰菜、德國烤焗豬手伴馬鈴薯沙律及德國酸椰菜。
Original Munchner Lager (Halbe)Stiegl Grapefruit（呢個唔記得影相）
呢杯好啱女仔飲，因為佢無咩一般啤酒既麥味同苦味，好容易入口。
Mozzarella Salad水牛芝士沙律
沙律配上的綠色醬汁好特別，再加上燒香咗既茄子片，好清新既開胃菜。
Schwarzwalder Schinken Fladen黑森林火腿薄餅
利申我係一個唔係幾鍾意食火箭菜既人，不過除咗食火箭菜既青草味之外，其他嘢都好OK。每一格既薄餅都分到有火腿，再加上佢既黑醋醬汁甜甜酸酸的味道，夠遮蓋火箭菜既味道。
Numberger紐倫堡肉腸伴馬鈴薯及德酸椰菜
紐倫堡肉腸配上薯容和酸椰菜，肉腸煎至外層香脆，一咬開入面既肉汁就流出黎。連配菜都做得好出色，快速清碟。
Schweinshaxn德國烤焗豬手伴馬鈴薯沙律及德國酸椰菜
到我哋最期待既重頭戲，我哋拜託咗待應幫我哋支解隻豬手，豬手既外皮烤得好脆身，而中間既肉就有啲肥啲有啲瘦啲，可以根據返自己需要去㨂。
Spatzle 自家製牛油麵糰
呢個麻麻哋，係我唔啱叫錯咗，上次黎食好好味應該係點巴伐利亞芝士麵糰而唔係呢款。
總括黎講，呢度食物水準都好好，今次再黎都無失望，不過上一次黎喺冬天唔覺，今次熱住過黎真係食到流晒汗，可能怕熱既訂枱時要留意可唔可以留啲無咁近大門既位置坐啦。
Post
