Video
Read full review
2018-08-18
94 views
今次呢間餐廳係朋友生日佢想去既餐廳嚟，之前佢去過覺得好好食，所以想帶我地試下又一齊順便慶祝埋生日。呢間餐廳係太子酒吧街既街尾，係界限街個邊，門面已經覺得同其他酒吧唔同，第一眼就已經覺得好有德國feel。食物既選擇唔算好多，但係都好有特色，職員都有介紹我地有啲咩食。一坐底就已經有啲薯片小食。我地第一下就已經叫咗餐廳介紹既「比亞荷夫烤腸拼」($168)，入面既都唔係平時一般食到既腸仔，聽職員講就有白肉做既牛仔腸、香草腸、黑毛豬胡椒腸、原味腸、芝士腸同埋墨魚腸，每一條腸仔既口感都好唔同，味道都好獨特但又好好食，而自己最鍾意既就係墨魚腸。份量都幾多，我地四個人分嚟食，食完呢碟都已經有小小飽飽地既感覺。「巴伐利啤酒小食盆」($198)，呢個小食拼盤份量都係唔少，而且食物種類都唔少，有炸腸、雞槌、肉丸、洋蔥圈、德國啤酒腸同芝士，德國啤酒腸用嚟夾住芝士食個味道好夾，最鍾意係食呢樣，又唔會太膩。而洋蔥圈都好好食，食落去唔同出面食到既咁散。「德國傳統焗薯批」($128)，個樣有啲似麵包，職員幫我地加咗醬汁，食落去味道好夾，個薯批唔會太碎，又唔會好似薯焗咁一舊舊。重頭戲嚟了，就係德國燒豬手($268)，好
食物既選擇唔算好多，但係都好有特色，職員都有介紹我地有啲咩食。
一坐底就已經有啲薯片小食。
我地第一下就已經叫咗餐廳介紹既「比亞荷夫烤腸拼」($168)，入面既都唔係平時一般食到既腸仔，聽職員講就有白肉做既牛仔腸、香草腸、黑毛豬胡椒腸、原味腸、芝士腸同埋墨魚腸，每一條腸仔既口感都好唔同，味道都好獨特但又好好食，而自己最鍾意既就係墨魚腸。份量都幾多，我地四個人分嚟食，食完呢碟都已經有小小飽飽地既感覺。
「巴伐利啤酒小食盆」($198)，呢個小食拼盤份量都係唔少，而且食物種類都唔少，有炸腸、雞槌、肉丸、洋蔥圈、德國啤酒腸同芝士，德國啤酒腸用嚟夾住芝士食個味道好夾，最鍾意係食呢樣，又唔會太膩。而洋蔥圈都好好食，食落去唔同出面食到既咁散。
「德國傳統焗薯批」($128)，個樣有啲似麵包，職員幫我地加咗醬汁，食落去味道好夾，個薯批唔會太碎，又唔會好似薯焗咁一舊舊。
重頭戲嚟了，就係德國燒豬手($268)，好大一隻，餐廳已經切好晒俾我地，食落去味道好夠鹹香，啖啖肉，而個皮都好脆，就咁食都好好味。
嚟到德國餐廳又點可以唔飲啤酒先得，我地叫咗一炸啤酒share，係職員介紹之下就揀咗Surstenberg Weissbier，甜甜地好清香但麥味又幾重，好好飲！
呢度既菜式其本都有歐洲菜既特色伴碟食物酸菜，雖然我自己就唔太好酸嘢，不過朋友們都話好好味道。
Post
