夏娃 (Closed)

德國豬手梗係要配德國啤酒啦，啤酒我地揀咗Tap 2同Tap 5，兩隻都係麥啤，Tap 2味道比較淡，不過麥味都OK嘅，Tap 5就好香果味，Menu介紹話佢有菠蘿香味，不過酒精度好似比Tap 2勁，飲多兩啖有D high high地，兩隻之中個人喜歡Tap 5多D。德國豬手二百幾蚊，比想像之中大隻，好彩無叫多一樣野，如果唔係實食唔晒。豬手的皮夠脆，配埋德國嗰D酸菜，好正呀。呢間位於北角同炮台山之間的德國餐廳都真係幾抵食。兩個人叫了一隻德國豬手同四杯德國手工啤，每人二百幾蚊左右，真心抵。