Manecy's Studio Restaurant (Closed)

成日喺銅鑼灣食嘢都已經去到唔知食咩好，今次就嚟咗呢度試吓佢嘅德國 x 西班牙菜啦。一入餐廳就覺得好德國feel, 用哂紅磚，又見到好多唔同口味嘅啤酒揀，所以一坐低就check 吓有咩啤酒想叫😌😌識我都知我鍾意食「洋腸」，所以見到menu 有就二話不說叫咗。嚟到個擺盤好靚喎，即刻相機先食，味道都唔錯，最鍾意梗係嗰隻豬肉腸啦，好juicy.龍蝦湯又係我最愛之一，所以都order 埋。入面有帶子同蝦，龍蝦湯好好飲喎，好過麥記嗰啲好多呀！問埋朋友想食咩就叫多咗個辣肉腸Pasta. 我就唔太食得辣，所以只係試咗少少，都唔錯㗎！呢間最啱一班朋友嚟，叫多幾樣一齊share 就最正喇！