Schnee German Restaurant (Closed)

係香港，要食到傳統德國野食確實唔容易，但今次嘅選擇，的確令我地處處感受到日耳曼嘅氛圍。係食二人Set Dinner之前，少不免要飲返杯Draft Beer。德國牌子Kellerbier同埋Weissbier，絕非係其他地方咁易搵到。接著有Caperese沙津作前菜，有番茄、沙津菜加添微酸開胃嘅沙津醬汁，最重要嘅係有水牛芝士夾在中間，感覺仲更豐富、更滿足!匈牙利牛肉湯亦都好得我地歡心，肉味非常香濃、又帶點香辣，普遍香港餐廳係唔易搵到。主菜當然要食地道嘅德國炸豬手。外皮炸得超級香脆，食嘅時候有食薯片般嘅口感，呢一點已經夠晒吸引。而豬手內裡含有嘅骨膠原都相當豐富，食嘅時候外皮、加骨膠原、再加咸咸地而又嫩滑嘅豬手肉，三者夾擊，非常有層次。而呢個德國雲吞有著蕃茄蓉作醬汁，配以皮薄嘅豬肉雲吞，飽滿之餘而又肉汁又多，食完呢個絕對會有飽肚感。最後甜品有榛子法式燉蛋同埋黑芝麻芝士蛋糕。兩者味道甜味唔會太濃，而口味又夠新鮮，確實令人印象難忘。