NeNe Chicken (東港城) (Closed)

之前食過朗豪坊分店一次之後，一直念念不忘想食多次，發現將軍澳都有分店，所以今日過嚟食，所點嘅炸雞同上次喺朗豪坊嘅一樣款式，初雪同蒜香醬油味，一上菜發現呢間分店嘅炸雞冇薯片伴碟，心諗都唔緊要啦，主角還是係炸雞，抱著滿懷歡喜食咗第一舊炸雞之後，個個都面露難色，心諗究竟隻雞係咪隔夜再翻炸呢？炸雞個樣好似縮晒水咁，又無咩肉，就算有肉都好鞋好乾，淨係食到層好厚嘅炸粉！唔會再幫襯呢間分店！希望Nene個名唔好敗係呢間分店度。