心之食堂 (Under Renovation)

今日放工後同朋友去左銅鑼灣行街，行到咁上下突然好想食串燒，醒起百樂中心有得食，就過左黎了！由於太想食串燒，所以我地只係叫左一份主食，留肚同串燒戰鬥。石板熱辣辣，帶子超大粒又彈牙，加上黑松露嘅香味，食完一隻就忍唔住口又食多一隻。冇諗過呢串汁燒白鱔可以咁好味，好爽口好入味，魚皮脆卜卜，如果一串多幾件就好啦。上菜嘅時候侍應為「牛三寶」加「火」，三寶分別係牛舌、肥牛卷、牛柳粒，仲有菠蘿，送酒一流！豬頸肉烏冬清清地，好多粟米。食串燒又點少得蘋果醋！青蛙王子其實係忌廉加抹茶雪糕，仲有少少薄芎荷味，第一次試呢個組合，又唔錯喎。