心夜來潮 (Closed)

深夜同朋友去左潮人聖地搵食。呢間個名幾特別，叫做《深夜來潮》開到凌晨4點。我地就黎個潮食喇！😎門口都貼有餐廳既報道，應該野食有一定水準。見到好多人叫一鍋鍋既粥，好似幾好味！但兩個人食，太大鍋 驚食唔哂。所以無得試。叫左鹵水拼盤 。有鹵水紅腸，腩肉，大腸，豬舌。份量都幾多。腩肉 肥瘦剛好，唔會太多肥肉。鹵水汁很入味，食落好味。一直都對於炒粉絲 好有要求。有一次係下陸街邊食個炒米粉，一直都念念不忘。好想食番個種味道：炒到好乾身既米粉。見到個餐牌寫住 《路邊炒米粉》即刻心心眼！！個樣都有幾分似！食落都始終都唔夠似，都係未夠大陸個次食到咁乾身。但味道都做得唔錯！！佢落左好多配料一齊炒，好夠味！唔會話淡而無味！再叫左個 ： 南乳炸雞。用南乳醬炸成，南乳味食落好惹味香口。又炸到好金黃色，而咬落肉質都幾嫩滑。色香味俱全一口奶油饅頭😍😍細個去酒樓一定會叫黎食，童年回憶😊仲一定要點勁多既奶油！好正！個size岩岩好，一啖就食到。唔洗驚d奶油流落黎，整污糟自己。