沁沁麫 (Closed)

呢個晚上約左成班fd去太安樓掃街，但去之前打算同其中一個朋友食小小野，填一填個肚先，就去左附近既呢間小店，店名好特別叫沁沁麫，我係比無味精幾個字吸引到，仲好似有人蔘麫，睇落好似幾正咁我地就入左去。餐廳餐牌並唔多，我覺得主要主打真係人蔘麫，不過我今日特別想食蕃茄麫，所以就點左個蕃茄麫，另外小食有幾款都吸引，個人覺得醉雞卷同芝士蜜糖雞鎚比較吸引，見到個名都流哂口水！芝士蜜糖雞鎚 $23蜜糖味偏清，芝士燒過之後更好味，我本身已經鍾意食雞鎚，配上芝士同蜜糖真係好正！醉雞卷 $23醉雞卷係呢間小店既必食推介，真係好好食，重點係佢酒味唔重，清清地配上超級嫩既雞肉，一啖入口好滿足，同埋係完全無骨架，岩哂我呢D懶人，呢個醉雞卷係真心值得encore！鮮茄茸濃湯拉麫 ($41)呢個拉麫好足料，蕃茄超級甜，味道極重料，配上西蘭花、蛋、雲耳同肉碎，個人覺得呢個價錢食到呢種質素絕對係好難得，不過同時我都覺得呢碗味未必個個人鍾意，如果覺得茄湯OK的人可以試下，如果唔係就真係試人蔘湯，我一邊食一邊聞到隔離...真係好香！