Video
Read full review
2017-06-23
778 views
最近就試左依間又飽又好食既廚師發辦，價錢比起其他同類型既都平，$650就可以食到omakase$650係有前菜、刺身、蒸物、燒魚、壽司六件等等，堅多野食！！！介紹番個前菜先，有生粟米，炸蓮藕片，三文魚明太子，芥末八爪魚，辛塩魷魚刺身等等。前菜就有甘多款喇，我最鐘意既係壽字碗仔入面既辛塩魷魚刺身，濃而不俗，仲有下面既松前漬，依個係由魷魚絲同昆布整成，有啲似沙律前菜，又滿滿魷魚既味道。之後就係刺身～有兩款，就係深海池魚同黃肌生鮪，兩款刺身都同樣鮮甜，介紹下黃肌生鮪，佢係來自和歌山縣勝浦市產既吞拿魚嚟既，比較腍身，無筋。跟住就有一個蒸魚，店員介紹佢叫做左口魚菜卷有荷蘭豆、蘿蔔既菜蔬係入面，下面仲有粒雜魚丸，口感幾特別，食落唔似魚蛋而係有肉感。接住再嚟一個燒魚，每日唔同既，當日就係依條鹽燒太刀魚成條上果陣聞到好香既燒魚香味，食落口唔會太咸，魚肉好實，唔會鬆散，可以配埋側邊啲配菜一齊食，有山芋、玉子、昆布絲到壽司6件加埋卷物，我食左石垣鯛、深海池魚、炙燒左口魚邊、辛塩味左口魚、甜蝦、三文魚籽及道明寺櫻餅。平時食深海池魚最多都係配些少豉油，就甘食原味。但今次師傅落左啲帶辛辣既脆粒係面頭，食落就無平
$650係有前菜、刺身、蒸物、燒魚、壽司六件等等，堅多野食！！！
介紹番個前菜先，有生粟米，炸蓮藕片，三文魚明太子，芥末八爪魚，辛塩魷魚刺身等等。前菜就有甘多款喇，我最鐘意既係壽字碗仔入面既辛塩魷魚刺身，濃而不俗，仲有下面既松前漬，依個係由魷魚絲同昆布整成，有啲似沙律前菜，又滿滿魷魚既味道。之後就係刺身～
有兩款，就係深海池魚同黃肌生鮪，兩款刺身都同樣鮮甜，介紹下黃肌生鮪，佢係來自和歌山縣勝浦市產既吞拿魚嚟既，比較腍身，無筋。跟住就有一個蒸魚，店員介紹佢叫做左口魚菜卷
有荷蘭豆、蘿蔔既菜蔬係入面，下面仲有粒雜魚丸，口感幾特別，食落唔似魚蛋而係有肉感。接住再嚟一個燒魚，每日唔同既，當日就係依條鹽燒太刀魚
成條上果陣聞到好香既燒魚香味，食落口唔會太咸，魚肉好實，唔會鬆散，可以配埋側邊啲配菜一齊食，有山芋、玉子、昆布絲到壽司6件加埋卷物，我食左石垣鯛、深海池魚、炙燒左口魚邊、辛塩味左口魚、甜蝦、三文魚籽及道明寺櫻餅。
平時食深海池魚最多都係配些少豉油，就甘食原味。但今次師傅落左啲帶辛辣既脆粒係面頭，食落就無平時甘一板一眼。反而多左啲辣同香味更提魚既鮮味。
另外佢地既三文魚籽都好卜卜脆，一擺入口就係口裡散開，不過就咸漬味比較重。
仲有最後既卷物，有我最愛既鰻魚！估吾到同煙韌既糯米都幾配！
跟住仲有一個鮮味既湯清清口腔！最後上埋甜品，四款一次過上，有柚子雪芭、長崎蛋糕、抹茶蕨餅、菠蘿。
柚子雪芭帶有小小酸味同柚子味，係我最愛既日式甜品。
抹茶蕨餅有好多抹茶粉係上面，岩晒抹茶控。長崎蛋糕係日本食過已經愛上，面頭有啲砂糖，食落甜甜地好鬆軟。我覺得依間廚師發辦大件夾抵食，依個價錢食到甘多好野，仲要係飽架，而且每道菜都睇到廚師有放心機係到，整到好靚！真係好值～
Post
