Video
Read full review
2017-05-31
198 views
朋友喺面書分享左呢間餐廳嘅野食，好鬼靚，一於又黎試下。百樂中心呢度都好多野食，到12樓一開門就睇到大大個招牌了。餐廳內燈光柔和，適合夜媽媽三五知己嚟飲飲食食放鬆心情。餐廳仲提供外賣，平時部外賣單車就咁掛喺牆，要送外賣時速遞員就係踩住呢架單車送外賣……(喂，吹水咋!)餐紙也擺放得有心思，擺喺個「正豬兜」度。熱檸檬果茶$28 - 大大杯又溫熱，酸酸甜甜開胃之選，飲完令人心情舒暢。底下仲有啲碎碎嘅檸檬皮，記得食埋佢呀~邪惡包(帶子鵝肝包)$38 - 咁大塊鵝肝咁大粒帶子，仲要做緊特價盛惠$38，咁即係引我食完又encore啫，果然夠晒邪惡。第一次嚟就扮晒大爺坐喺張長椅度。第二次嚟佢就俾人擺咗上枱…仔，又真係幾得意幾有心思。Any肥你點嚟我都係照食架啦~厚帶子開邊，夾住兩邊封煎得香脆鵝肝。一入口，就有帶子嘅爽彈同鵝肝軟熟兩種不同口感，鵝肝嘅油香同帶子嘅鮮甜亦都相當絕配。 一黎到要即刻食，紫菜脆卜卜。彩虹卷$68炸蝦、蟹子、青瓜、牛油果、紫菜、魚鬆粉、黑魚子集於一身。比較有特色嘅係魚鬆粉，味道甜甜地，櫻花嘅顏色令到成個彩虹卷更加日本風。鹽燒雞翼(4隻)$48 - 分開兩串攤開嚟燒，方便shari
餐廳內燈光柔和，適合夜媽媽三五知己嚟飲飲食食放鬆心情。
餐廳仲提供外賣，平時部外賣單車就咁掛喺牆，要送外賣時速遞員就係踩住呢架單車送外賣……(喂，吹水咋!)
餐紙也擺放得有心思，擺喺個「正豬兜」度。
熱檸檬果茶$28 - 大大杯又溫熱，酸酸甜甜開胃之選，飲完令人心情舒暢。底下仲有啲碎碎嘅檸檬皮，記得食埋佢呀~
熱檸檬果茶
5 views
0 likes
0 comments
邪惡包(帶子鵝肝包)$38 - 咁大塊鵝肝咁大粒帶子，仲要做緊特價盛惠$38，咁即係引我食完又encore啫，果然夠晒邪惡。
第一次嚟就扮晒大爺坐喺張長椅度。
邪惡包(帶子鵝肝包)
3 views
0 likes
0 comments
邪惡包(帶子鵝肝包)
1 views
0 likes
0 comments
彩虹卷$68
炸蝦、蟹子、青瓜、牛油果、紫菜、魚鬆粉、黑魚子集於一身。比較有特色嘅係魚鬆粉，味道甜甜地，櫻花嘅顏色令到成個彩虹卷更加日本風。
彩虹卷
3 views
0 likes
0 comments
鹽燒雞翼(4隻)$48 - 分開兩串攤開嚟燒，方便sharing。雞肉燒得皮香肉滑，唯一少少缺點係味道有啲唔均勻，有一少部份食唔到鹽味，少少失手啫~ no big deal~
鹽燒雞翼
7 views
0 likes
0 comments
黑松露牛油帆立貝(4隻)$68 - 一上枱仲係鐵板度嗞嗞聲，熱辣辣又香噴噴。黑松露嘅香味好特別，配上大大粒又彈牙嘅帆立貝，食落好夾。
黑松露牛油帆立貝
5 views
0 likes
0 comments
日本馬糞海膽 $58 - 放咗喺香檳酒杯，伴有青瓜酸薑片同埋底下嘅蔬菜，用紫菜夾海膽後點樣用佢地配搭就悉隨尊便。海膽非常優質肥美鮮甜，一般海膽唔多唔少都會有啲異味(雖然係咁我都會食)，但今次係100%冇，只有純鮮甜味。
日本馬糞海膽
7 views
0 likes
0 comments
香味角切魚生飯$98 - 心之食堂連個飯都係心型，睇落個心型唔算大但其實好厚，魚生夠多之餘亦都落左紫菜、芝麻、青瓜，唔係齋食魚咁寡，再加上圍繞住個心型飯喺櫻花色甜甜嘅魚鬆粉，真正sweetheart。可惜麻油多咗啲，遮咗少少魚生嘅鮮味。
香味角切魚生飯
5 views
0 likes
0 comments
Post
