生記粉麵

Open Now

Now Closed

覺得失望，今次係第二次幫襯，平日午餐時間，同同事一同入座，坐低後，因為越嚟越多人，就被再次俾調位，都冇問題。調咗喺門口收銀處隔離張枱，食嘢嘅時候不斷俾人撞，同埋門口收銀女人態度欠佳，叫人入座嘅態度有啲似喝狗，收銀女人唔知點解不斷大大力開閂個櫃桶成廿次，成餐飯食得好唔舒服，好唔安樂，同埋震耳欲聾。粉麵正常，米線酸辣湯底正常OK，出名係炸蝦卷但覺得好粉，墨魚丸係幾好食。地方尚算衛生，枱面有梅菜配料，份量都足夠。不過，短期內都唔會再去食，因為本身荃灣幾多米線嘅選擇，免得食個lunch都要受氣。