水木日本料理 (Closed)

好少去觀塘區，今日順便行開嚟呢頭，想睇吓呢度有啲咩好嘢食，見到呢間日本餐廳，應該係新開嘅，裝修乾淨，座位都夠闊落！食物都幾好，當然要讚吓啦，支持吓小店啦😋雜錦魚生飯有好多種類嘅魚生，仲海膽、三文魚子⋯⋯夠晒新鮮，海膽入口即溶，壽司飯，醋味啱啱好，又唔會太酸。燒鱈魚片鱈魚片燒到小小焦香，脆卜卜，又有魚香味，加埋沙律醬一齊食，一流！如果夜晚黑仲可以餸酒一流。燒三文魚飯團應該係新鮮燒出嚟，飯團燒到有飯焦，入邊仲係軟熟，又幾好味喎，冇平時就咁食普通飯團咁悶。