Video
Read full review
2020-04-03
851 views
朋友前排同我提到太子有一間潮汕菜非常出色，見身為「架己冷」嘅佢都極力推介，相信都有一定功力，今晚總於有機會見識一下。陳儀興名下有幾間餐廳，價位檔次都有所不同，朋友帶我嚟嘅呢間尚潮樓走嘅係行中高檔路線，主打潮汕手工菜。菜館地下座位唔多，侍應帶我哋到樓上一樓，原來別有洞天，裝修簡潔，有種古色古香嘅感覺。入座後侍應送上功夫茶同前菜，功夫茶色澤金黃， 香氣濃郁，茶味甘醇；前菜係潮州三寶之一嘅鹹菜，咸脆可口，質感清爽，令人胃口大增！朋友推薦必食嘅滷水鵝肉雙拼，份量頗多，三四個人分享都唔成問題。鵝肉滷得夠入味，滷水汁唔算好濃，反而食得出鵝肉嘅鮮味，而且肉質軟嫩，配上蒜蓉醋令鵝肉食落冇咁油膩。新鮮墨魚片鮮味突出，口感彈牙，配上滷水汁相得益彰。墊喺底部嘅滷水豆腐同樣出色，夠入味之餘冇掩蓋豆香，口感亦非常嫩滑。朋友為我點咗三樣潮汕炸物，分別配以鮮韭菜汁同桔油。炸蝦棗外皮炸得酥脆，蝦蓉加入馬蹄碎，除咗令味道層次更豐富，更加令口感變得鬆化，配上桔油更添鮮味。普寧嘅黃豆出名靚，所以有著名嘅普寧豆醬，呢到嘅炸豆腐選用每日新鮮由普寧運到嘅豆腐，外層酥脆，內裡軟滑，而且豆味香濃，配上特製嘅新鮮韭菜汁更加點睛。炸粿肉
鹹菜/功夫茶
13 views
0 likes
0 comments
菜館地下座位唔多，侍應帶我哋到樓上一樓，原來別有洞天，裝修簡潔，有種古色古香嘅感覺。入座後侍應送上功夫茶同前菜，功夫茶色澤金黃， 香氣濃郁，茶味甘醇；前菜係潮州三寶之一嘅鹹菜，咸脆可口，質感清爽，令人胃口大增！
潮汕滷水鵝肉拼新鮮大墨魚
25 views
0 likes
0 comments
朋友推薦必食嘅滷水鵝肉雙拼，份量頗多，三四個人分享都唔成問題。
潮汕滷水鵝肉拼新鮮大墨魚
22 views
0 likes
0 comments
鵝肉滷得夠入味，滷水汁唔算好濃，反而食得出鵝肉嘅鮮味，而且肉質軟嫩，配上蒜蓉醋令鵝肉食落冇咁油膩。
潮汕滷水鵝肉拼新鮮大墨魚
14 views
0 likes
0 comments
新鮮墨魚片鮮味突出，口感彈牙，配上滷水汁相得益彰。
潮汕滷水鵝肉拼新鮮大墨魚
26 views
0 likes
0 comments
墊喺底部嘅滷水豆腐同樣出色，夠入味之餘冇掩蓋豆香，口感亦非常嫩滑。
潮汕方味炸物三拼
10 views
0 likes
0 comments
朋友為我點咗三樣潮汕炸物，分別配以鮮韭菜汁同桔油。
傳統炸蝦棗
7 views
0 likes
0 comments
炸蝦棗外皮炸得酥脆，蝦蓉加入馬蹄碎，除咗令味道層次更豐富，更加令口感變得鬆化，配上桔油更添鮮味。
炸普寧豆腐
21 views
0 likes
0 comments
普寧嘅黃豆出名靚，所以有著名嘅普寧豆醬，呢到嘅炸豆腐選用每日新鮮由普寧運到嘅豆腐，外層酥脆，內裡軟滑，而且豆味香濃，配上特製嘅新鮮韭菜汁更加點睛。
古法炸粿肉
37 views
1 likes
0 comments
炸粿肉係另一道潮州著名小食，加入五花肉、馬蹄、白芝麻、芫荽同蔥，食落非常香口，而且一啲油膩感都冇。
玉枕白菜
15 views
1 likes
0 comments
玉枕白菜嘅餡料有蝦肉、蟹肉、冬菇同大地魚，用天津大白菜嘅嫩葉包好，以芹菜絲紮實，再用上湯慢燴勾芡，極考功夫，望落晶瑩剔透，非常精緻，外層嘅白菜近乎入口即化，隨之而來嘅係滿滿嘅鮮味，令人非常有滿足感！
乾貝春菜煲
24 views
1 likes
0 comments
春菜係潮州特產，味道有啲似芥菜，同樣消滯解膩，但就多一分甜味，少一分苦澀，加入咗乾貝同肥肉令味道更鮮甜。
蠔仔方魚肉碎粥
20 views
0 likes
0 comments
第一次食正宗潮汕菜，完全感受到潮州人對食物鮮味嘅追求，每一道菜都認真製作，令人印象深刻，難怪朋友大力推薦！
Post
