Video
Read full review
2010-11-10
15 views
6-11-2010久聞呢度有價錢相宜的 omakase lunch 供應, 睇了大家的食評及相片又覺得幾吸引, 趁是日「賺」了半日假又想食好一點, 捉了朋友陪我試試. 大家都叫了 omakase ($140), 生嘢熟嘢炸嘢乜都有 d, 唔知是否太大期望, end up 又覺得唔係特別好食, 不過師傅落足心機就係真的, 所以整體都尚算滿意:-前菜係木魚清湯菠菜及靈芝菇 (?), 食落冰冰涼涼又清清淡淡,「漱口」不錯.刺身係三文魚 (... !) 及赤身, 後者魚味算濃, 作為 lunch 貨色算係咁的; 三文魚完全唔想食, 不過食了又覺得幾肥, 捽多幾吓味道新鮮清香又唔辣的 wasabi, 其實味道都 ok, 只係唔明點解隔籬位嗰兩個人一樣叫 omakase, 佢哋份刺身會係白身魚 + 赤身, 我哋就俾三文魚 天婦羅: 有蝦, 南瓜及青椒, 粉漿薄脆唔油膩, 而最好食就當然係隻蝦, 外脆內鮮爽 天婦羅汁內亦有磨得幼細的蘿白茸, 配炸物同吃當然好, 但其實蘿白茸空口食亦得, 哈哈. 煮物有豚肉, 蓮藕, 蒟蒻, 冬菇, 紅蘿蔔, 筍 etc, 煮得入味 (醬油 + 味醂 + 糖?
6-11-2010
久聞呢度有價錢相宜的 omakase lunch 供應, 睇了大家的食評及相片又覺得幾吸引, 趁是日「賺」了半日假又想食好一點, 捉了朋友陪我試試. 大家都叫了 omakase ($140), 生嘢熟嘢炸嘢乜都有 d, 唔知是否太大期望, end up 又覺得唔係特別好食, 不過師傅落足心機就係真的, 所以整體都尚算滿意:-
前菜係木魚清湯菠菜及靈芝菇 (?), 食落冰冰涼涼又清清淡淡,「漱口」不錯.
刺身係三文魚 (... !) 及赤身, 後者魚味算濃, 作為 lunch 貨色算係咁的; 三文魚完全唔想食, 不過食了又覺得幾肥, 捽多幾吓味道新鮮清香又唔辣的 wasabi, 其實味道都 ok, 只係唔明點解隔籬位嗰兩個人一樣叫 omakase, 佢哋份刺身會係白身魚 + 赤身, 我哋就俾三文魚
天婦羅: 有蝦, 南瓜及青椒, 粉漿薄脆唔油膩, 而最好食就當然係隻蝦, 外脆內鮮爽 天婦羅汁內亦有磨得幼細的蘿白茸, 配炸物同吃當然好, 但其實蘿白茸空口食亦得, 哈哈.
煮物有豚肉, 蓮藕, 蒟蒻, 冬菇, 紅蘿蔔, 筍 etc, 煮得入味 (醬油 + 味醂 + 糖?), 食落香甜, 不過豚肉較韌, 蔬菜類則爽脆清新, 蒟蒻就當然一貫的 Q 啦, 哈哈 整體係送飯不錯的一款食物.
溫泉玉子: 蛋白半透明, 蛋黃就呈溏心, 拌勻 d 汁 (味道好似平日食喬麥麵的湯底, 係醬油?) 一齊食, 味道香濃又滑口, 正
燒魚: 係鯛魚 (?) 及三文魚, 幾乾幾嚡亦無味, 不過既然食時已攤凍不少係自己問題, 無辦法.
白飯: 唔係日本米, 亦煮得有點太軟身, 唔算十分喜歡.
味噌湯: 昆布及豆卜都好多, 飲落夠味, 唔過鹹, 味道普通, 不過唔差就係真的.
最後來杯咖啡, 齋飲唔算好苦, 但幾稀薄, 落糖落奶後味道就淡得很, 連唔飲咖啡的朋友試了都覺得無咖啡味 (), 我就當然飲到嘴都歪了.
試了少少朋友的綠茶雪糕, 質地極滑, 不過奶味就較重, 而且甜了少少, 唔知邊隻牌子? 唔啱口味.
而點解唔算好好食, 都仍然感覺良好, 全因食得出一腳踢的師傅 (Washizawa 先生?) 的心機, 店員們態度亦友善親切, 係食得幾開心的.
埋單連加一每人 $154, 有機會嚟食 omakase dinner 就好了.
Post
