野菜咖喱事務所 Curry Man (Closed)

工作關係，今次黎到位於葵興的小店，野菜咖哩事務所😆店舖所在位置比較隱蔽，地鐵站對面小商場後，要openrice先知道位置！雖然隱蔽，但店舖裝修有心思👍🏻☺️，好有日式小店既感覺，而店外有數張半露天坐位可以堂食。今次試食店主推介的野菜咖哩蜜糖燒雞扒飯🍛，飯係用珍珠米，飯面有加上炒過的黑芝麻粒，完全提昇飯的香味，雞扒比較驚喜，夠份量之餘，微微焦香的雞面上有香甜蜜糖味，食得出係心機之作，而且已細心地切開，值得一讚！👍🏻咖哩方面上日式咖哩，味道比印度咖帶多一點甜味，少一點香料同辣味，食落同出面買的日式咖哩味道有少少差別，有微微果香，令風味更突出，細問原來店主加有獨特配方，十分有心思！😋😋如果要我形容，印度咖哩就好似一位妖豔的女士，而日式咖哩就係清純的美女，店主的獨特配方則為美女加上淡淡的妝容！一份平平無奇的咖哩雞扒飯，但有大量細微得分位，小店黎講比較出色，下次會再試招牌的一日野菜咖哩飯！