原味館 (Closed)

以前喺元朗都聽過好多人推介呢間餐廳，但一直都未有機會試到，今日終於喺荃灣試到呢間心機小店。小店座位唔多，眼見室內2枱，室外3枱。無揀到招牌既三鮮麵，叫左個紫菜四寶麵（四寶：福州魚丸，墨魚丸，豬肉丸，豬肉餃）。墨魚丸同豬肉丸都唔錯，大細適中，彈牙，絕對唔似凍肉舖大大粒果d。豬肉餃塊皮好薄，唔怕食皮都食到滯。福州魚丸係爆漿丸，入面個肉餡個人認為油左少少同咸左少少，唔係太岩本人口味。至於個湯方面，未食前好大期望，試左啖真係有點失望，本身諗住會好清，點知唔清同埋感覺無乜特別，或者三鮮麵個湯會好好多。值得一讚佢係用豆苗做配菜。價錢唔算太貴，份量亦非常足夠有凸，小店製作有心機，值得大家試一試。