壹碗麵 (Closed)

好少會出到咁遠 不過友人婚禮係附近所以決定一試平時出到黎都食坐忘 但今日想食下台式 呢間小店靜靜地好合心意 試一試 先叫左個酒釀流心蛋 米酒唔會攻鼻 有種香而醇既感覺 蛋唔會太硬 流心效果做得不錯 不愧係呢間店其中一樣重點推介啵叫左個柚子豬軟骨湯麵 佢呢度既麵用鴨蛋做 好彈牙 我覺得蘿蔔比豬軟骨更吸引 因為吸左湯既精華 入口甘甜軟糯 十分好味另一個係蝴蝶腩乾拌麵 呢種粗既鴨麵好似西餐的寬條麵 掛汁一流 蝴蝶腩好香牛味 咬勁十足 不過美中不足係食到後面會比較咸 可以放落湯食 個汁其實好好 只係淡返少少就會比較合現今注重健康既香港人口味