Video
Read full review
2021-11-30
2531 views
過嚟黃金，都喺整機，年初換咗部微型桌面電腦，早前發覺有啲小問題，拎返去店家搞搞佢。咁今晚老婆有自己飯局，小弟咪一支公晌附近食埋先走。好隨意，點指兵兵就揀咗「古早牛肉麵」。 個鋪位都幾深吓，近門口，喺水吧，兼營台式茶飲外賣，而裡面一室都喺小泥地、水泥牆，裝修就真喺大玩「古早味」，有唔少裝飾都喺幾有懷舊味道，啲阿姐招呼好有禮貌。櫈下面有一層網隔，可以俾客人擺吓袋、擺吓背包，不過，空間唔喺好大，好似小弟今日孭嘅大背囊就攝唔落。 食物方便，自己直接剔落張點餐紙度，一面喺食物，包括各款台式牛肉湯麵、便當、乾拌麵、地道小吃、湯品、麵線及甜品。而另一面飲品，就喺見慣見熟嘅各種台式飲品，如芝士奶蓋、招牌奶茶、乳酸特飲、手調鮮茶……等等。而點主食，飲品都有減$10優惠。 特盛台灣牛肉湯麵 $70老實講，揀呢款都喺貪料多，唔使淨得牛，可以一次過試勻牛腱、豬軟骨、貢丸及花枝丸，仲伴有一大條白蘿蔔同生菜，麵嘅份量亦唔少。先呷一啖牛骨湯，濃而不濁，醇厚有肉香，再試試啲麵條，手工麵好有質素，柔韌耐浸，食到尾都無話腍晒。4款餸料又點樣？牛腱滷得好入味，肉質鬆化，豬軟骨炆得夠軟腍，貢丸就好彈牙，甚有菇香，而花枝丸雖然
個鋪位都幾深吓，近門口，喺水吧，兼營台式茶飲外賣，而裡面一室都喺小泥地、水泥牆，裝修就真喺大玩「古早味」，有唔少裝飾都喺幾有懷舊味道，啲阿姐招呼好有禮貌。
櫈下面有一層網隔，可以俾客人擺吓袋、擺吓背包，不過，空間唔喺好大，好似小弟今日孭嘅大背囊就攝唔落。
食物方便，自己直接剔落張點餐紙度，一面喺食物，包括各款台式牛肉湯麵、便當、乾拌麵、地道小吃、湯品、麵線及甜品。而另一面飲品，就喺見慣見熟嘅各種台式飲品，如芝士奶蓋、招牌奶茶、乳酸特飲、手調鮮茶……等等。而點主食，飲品都有減$10優惠。
特盛台灣牛肉湯麵 $70老實講，揀呢款都喺貪料多，唔使淨得牛，可以一次過試勻牛腱、豬軟骨、貢丸及花枝丸，仲伴有一大條白蘿蔔同生菜，麵嘅份量亦唔少。先呷一啖牛骨湯，濃而不濁，醇厚有肉香，再試試啲麵條，手工麵好有質素，柔韌耐浸，食到尾都無話腍晒。
4款餸料又點樣？牛腱滷得好入味，肉質鬆化，豬軟骨炆得夠軟腍，貢丸就好彈牙，甚有菇香，而花枝丸雖然本身喺無彈牙嘅口感，但食到真材實料，好有墨魚味。
黑糖珍珠鮮奶 $33點咗牛肉湯麵，所以，飲品實際只需要俾$23。望落你都見落咗幾多黑糖，所以，黑糖晌鮮奶中飄浮，外觀份外吸引，而入口，黑糖味真喺好突出，兼且味道清甜純香，啲珍珠又多又咬口，鮮奶雖然唔知喺貨源，但飲落奶味都好純鮮，口感柔滑。
牛肉麵搭黑糖凍飲，心水嘅最佳組合之一。今餐就得一支公，所以，食得快上快落，前後半個鐘唔使，食完閃人，完咗扮演一晚嘅「孤獨的美食家」，哈哈。
Post
