蟹家鉄板燒 (Closed)

Item: Kani-ya Teppan Yaki
Rating: 5
Author: 傻蕃薯仔包

Kani-ya Teppan Yaki

3.5

78 Reviews

Taste

Decor

Service

Hygiene

Value

4681

Causeway Bay

$201-400

Japanese Teppanyaki Sushi/Sashimi Crab Specialty

傻蕃薯仔包

Level3

是咁的~~一年一次同我女朋友仔慶祝生日梗係要食豪d食好d啦大半年前同班同事黎過真係一試難忘加上短時間內同唔到女朋友仔去旅行於是就黎番餐港版蟹道樂啦！提早左個幾星期book定枱驚星期日會爆爆地不過去到個場都真係冇咩人（時間係八點半）唔理咁多啦上次食過真係幾好食一定要同女朋友仔黎食！！蟹家選擇好多價格都屬於中上有好貴嘅套餐亦有抵食嘅餐亦可以散叫按個人喜好而定咁果晚雖然都肚餓但因為食完晚餐仲要同女朋友食個甜品作為完滿嘅終結所以最後決定叫一個一人餐再散叫幾款野食咁就應該啱啱好喇叫左個三百幾四百蚊嘅一人餐入面有鯛魚蟹腳刺身、燒日本蠔、炸蟹蓋、牛肉薄燒、炒雜菜、燒皇帝蟹腳、銀鱈魚西京燒、蟹湯同蟹肉飯燒日本蠔兩隻上枱嘅時候未食得住要俾佢燒多陣睇住佢燒可以睇到d蠔有幾咁juicy飽滿再慢慢收番d水入去燒呢個唔需要熟曬先食會搞到咁靚嘅蠔老曬d肉質唔夠滑所以喺啱啱好熟左果陣食就最perfect 蠔味濃充滿肉汁口感都好creamy冇金屬味個人唔係咁鐘意金屬味重嘅蠔真係好新鮮好好味呢個叫蟹扒燒並唔喺個餐入面係散叫嘅記得咁樣就好似要二百蚊但呢個真係必叫

Read full review

是咁的~~一年一次同我女朋友仔慶祝生日梗係要食豪d食好d啦

大半年前同班同事黎過真係一試難忘加上短時間內同唔到女朋友仔去旅行於是就黎番餐港版蟹道樂啦！

提早左個幾星期book定枱驚星期日會爆爆地不過去到個場都真係冇咩人（時間係八點半）唔理咁多啦上次食過真係幾好食一定要同女朋友仔黎食！！

9 views

0 likes

0 comments

蟹家選擇好多價格都屬於中上有好貴嘅套餐亦有抵食嘅餐亦可以散叫按個人喜好而定咁果晚雖然都肚餓但因為食完晚餐仲要同女朋友食個甜品作為完滿嘅終結所以最後決定叫一個一人餐再散叫幾款野食咁就應該啱啱好喇

叫左個三百幾四百蚊嘅一人餐入面有鯛魚蟹腳刺身、燒日本蠔、炸蟹蓋、牛肉薄燒、炒雜菜、燒皇帝蟹腳、銀鱈魚西京燒、蟹湯同蟹肉飯

10 views

0 likes

0 comments

燒日本蠔兩隻上枱嘅時候未食得住要俾佢燒多陣睇住佢燒可以睇到d蠔有幾咁juicy飽滿再慢慢收番d水入去燒呢個唔需要熟曬先食會搞到咁靚嘅蠔老曬d肉質唔夠滑所以喺啱啱好熟左果陣食就最perfect 蠔味濃充滿肉汁口感都好creamy冇金屬味個人唔係咁鐘意金屬味重嘅蠔真係好新鮮好好味

7 views

0 likes

0 comments

呢個叫蟹扒燒並唔喺個餐入面係散叫嘅記得咁樣就好似要二百蚊但呢個真係必叫佢係一d松葉蟹腳加埋一d薯仔小冬菇南瓜一齊喺呢個鐵板上面燒（有埋牛油增加個香口程度）呢個蟹扒燒真係世界級佢燒到d蟹腳表面少少焦香但唔係燒走曬d水所以食落香口得黎亦能夠食到蟹肉汁嘅鮮甜同d蟹腳刺身唔同就係刺身容易隨住時間流失個味道啫係所謂嘅蟹汁但呢個正正火力夠猛可以將d蟹汁鎖番死喺蟹肉入面配合埋焦香嘅表面真係好好食

薯仔片亦可以燒耐d 愈耐愈香口真係好好味！！

9 views

0 likes

0 comments

另一個散叫嘅係唔記得叫咩名嘅蟹軍艦 88蚊3件真係大件到傻一上枱我地兩個都忍唔住嘩左一聲個侍應即刻話：拿呢d先叫軍艦嫁嘛真係好搞笑呢三件軍艦大並唔大在多飯係每件都有極多嘅蟹肉分別在於一件係用蟹籽一件用三文魚粒一件用蟹膏蟹肉嘅鮮甜度就始終冇下面嘅刺身或者上面嘅蟹扒燒咁好味嫁喇但都係濫于充數嘅普通貨色大大啖蟹肉咬落去真係好爽最好味係個蟹膏鮮甜得黎唔會太咸少少一舊已經將成件軍艦個鮮味提升左好幾倍

88蚊呢三件我又覺得唔過份wo

8 views

0 likes

0 comments

左邊嘅鯛魚，蟹腳刺身係跟餐嘅呢個其實係第一碟上枱不過我upload嘅次序冇跟到啫

呢個鯛魚刺身可能大家會諗間野食蟹嫁wo呢d刺身應該普通野啫俾盡咪放題質數拿拿拿

咁諗就錯曬喇佢嘅鯛魚刺身雖然係簿切但好鮮甜肉質厚實師傅刀功好好一d筋都冇鮮甜得黎又有淡淡嘅鯛魚香真係好正

仲有兩件蟹腳刺身好新鮮好鮮甜淡淡嘅蟹香令個人即刻精神曬

右邊嘅蟹蓋蒸蛋係散叫又係一個好好味嘅選擇睇落平平無奇但係成個蓋都係蟹籽而且好香嘅蟹味應該係劏蟹嘅時候嘅蟹水都用番黎蒸蛋每一啖筆落去果下都有蟹籽蟹汁同蛋學thanos話齋：perfectly balanced!!

9 views

0 likes

0 comments

之後介紹嘅都係餐入面嫁喇~~上面就係炸蟹蓋上次食過麻麻地不過跟餐嘅就冇得選擇啦不過今次好食左上次食落得一大堆椰菜味但今次椰菜入面嘅汁同d蟹絲都配合得幾好味道係好食嫁不過對比起其他就爭d喇

9 views

0 likes

0 comments

牛肉薄燒炒雜菜燒皇帝蟹腳同沙律喺同一碟上沙律正正常常冇咩特別冇需要講啦

炒雜菜都唔錯即叫即炒而且炒果陣都有落汁炒幾妹味唔錯嘅~~

牛肉薄燒可以選擇熟成度我叫左五成不過就爭d喇五成係食到個牛肉香但因為牛肉薄燒係捲埋一d蒜呀其他配料入去五成熟令到個牛肉口感偏腍影響左個口感反而上次叫七成就真係好好食wo牛肉香得黎成件事個口感好好好match 中間有幾件燒皇帝蟹腳真係好好燒佢同上面蟹扒燒燒嘅方法唔同上面係比較油用個油香去逼番蟹嘅鮮味出黎而呢個一黎唔係蟹扒燒嘅松葉蟹係用左啖啖肉嘅皇帝蟹腳而且燒果陣冇落咁多油同埋唔係牛牛油燒嗨時候都加少少黑椒調味燒嘅火喉有d都唔過火啱啱好唔會蒸發曬蟹腳入面嘅肉汁適量嘅黑椒令蟹味更加出食果陣好多蟹汁滴到成手都係好香好鮮甜