御の味 (Closed)

來到灣仔，來到Kappou UO n，點咗個 二人套餐，好豐富，數埋成9樣嘢，等我一一話你知。首先係沙律，好新鮮的沙律菜，有車厘茄，白色同紫色椰菜，配埋柚子醋，好食到我食哂，平時我食少少咋。跟住係刺身，有火炙金目鯛，池魚，赤貝，左口魚，亦都好新鮮，赤貝爽彈係我鍾意之物，好想食多啲。迷你碎吞拿魚腩飯，滿瀉嘅碎吞拿魚蓉肥美香滑，滿足。燒物係銀鱈魚西京燒，雪白味鮮；安格斯肉眼網燒燒到恰到好處，有些少紅色，如過熟就會好韌。仲有滑瀝瀝嘅燉蛋，QQ嘅烏冬，香濃嘅咖啡，濃味的抹茶雪糕。