Duke of York

Open Now

Now Closed

都有成年無黎喇 Duke 坐，今晚墨魚團我晨早到達西貢，唯有嘆杯啤酒，順道睇下有無 pool 打啦。發現有兩個捐款箱喎，都係幫狗狗，我捐晒身上所有大餅啦﹗Duke 只有花生或薯片，而且生啤類不多，唯有飲 Stella 啊。西貢區 Happy Hour $38 蚊杯大生啤十分經濟實惠，抵飲呢。Duke 有 Pool 打、有針 board 飛鏢，有大電視可以睇馬睇波。廁所不外借，有三四個洋仔洋女遊完船河衝入黎打算去廁所換衫，不過職員阿嬸三番四次阻止，不準換衫、不準沖涼，勁惹笑﹗厭悶到火都黎，發爛轉場﹗見阿嬸強硬態度及目無表情，都好認真趕客喎。堅技癢，我好想打 pool 啊，有無高手係度呢？最終忍唔住要跟隊。大埔 Vs 西貢戰況激烈啪啪聲，1 勝 1 負平手，和氣收場﹗我夠鐘上船喇，有機會再挑戰。