和牛燒肉一郎 (寶漢大廈) (Closed)

今日同經過鑼灣心血來潮想食燒肉，就walk in一郎。選了$478的D餐任食120分鐘和牛放題，任食132款食物。自助區有沙律吧、汔水、清酒，雪糕等任取，不過我們主力是食肉。頭盤：4款黑毛和牛(和牛牛肋肉、和牛里脊肉、和牛角切、和牛肉眼)每款都有不同脂肪紋，看得到的肥美，最鍾意是牛肋肉和肉眼，因為最肥美！海鮮：3款(原條墨魚、海老、青口)墨魚好新鮮，原條燒好正，肉質爽口又彈牙！精選和牛1款，款式因應餐廳供應而定。食完頭盤便可encore餐內的肉，我們主力點了牛肋肉和里脊肉，根據二人份量上枱，可以食完又食！肥美又有肉味，唔會過膩！牛舌亦是主打，主攻2色葱花牛舌和薄切原味牛舌，個人喜愛2色葱花多點，因為滿滿的葱和蒜伴牛舌，真係絕配，一連食了好多碟！仲點了韓式醬油漬牛肉、和牛壽司、和牛伴飯等。熟食亦試了吉烈炸蠔、牛肉可樂餅，炸得香脆，可樂餅好足料，有點飽肚。海鮮還有帆立貝，有不同口味，我們點了各一，分別是蒜蓉牛油，原味和松露味。海老則點了芝士牛油味。飽得7788，食啲蔬菜，點了枝豆、粟米、菠蘿，去偽健康一下。必食是各款雪條，鯛魚燒太可愛，不可不食。