舒房 (Closed)

鰂魚涌附近好難揾位食飯，通常都好多人又嘈，食完野好快又比人趕走。喺鬧市之中，唔小心比我發現左呢間小店。呢間餐廳個感覺好唔同，位置比較隱蔽，平時行過都留意唔到。佢喺山腳邊，入到去同出面鬧市好似平衡時空咁，好寧靜好舒服，仲有陣陣咖啡香味。個氣氛同佢個店名「舒房」好夾，真係比人放鬆，好舒適嘅地方。中午十二點半左右唔洗等位，可以揀坐室外或者室內，咁香港夏天比較熱，我同朋友怕熱就揀左室內。午餐有是日paster，今日係日式芝麻蟹肉冷烏冬，我比較大食，仲可以同店長講要多啲烏冬。個烏冬啲蟹肉幾正，大大舊。午餐配咖啡，我揀左mocha，朋友要左latte，個拉花好靚❤️（開心）