Espresso Alchemy (Closed)

頭先去完蘭芳園，點知食唔飽，無意之中聞到好香好香嘅咖啡香味，跟住就發現咗呢間coffee shop，點咗幾樣嘢食，口味同份量都唔錯，而且成間店嘅環境唔錯，坐得好舒服，好啱安安靜靜坐低read a book，或者同三五知己一齊傾下閑計~！！ 餐牌上邊嘅嘢食同埋飲品價錢唔算貴，而且性價比幾高！！Filter Coffee，呢種沖製嘅方法系我飲咖啡最鐘意嘅一種，用一種好慢好慢嘅速度同埋長時間提取coffee入邊嘅精華，上邊個玻璃樽拿嚟放啲冰，然後等佢地慢慢融化，再向下滴落啲咖啡粉到，咖啡飲落去有果酸嘅香味，焦糖味都會慢慢滲出嚟~~~ Flat White,拉花拉得好靚，咖啡味道好香好滑~~！！ 黑松露蘑菇意粉，一見到黑松露食慾就已經出曬嚟啦，送上嚟嘅時候發覺份量都幾大，而且新鮮熱辣，黑松露同意粉嘅搭配，食嘅時候濃郁嘅香味都留系口入邊！ 辣番茄汁意粉，呢個意粉嘅味道比較濃，番茄汁嘅酸味同埋筍嘅酸辣味融埋啲意粉到，味道好特別，夠曬開胃。 Banana Bread,雖然睇落去系一舊好普通嘅bread，不過食落去有好香嘅banana香味！！麵包好鬆軟~~~