美味小鮮肉 (Closed)

由於成日都要行街，所以攪到对鞋都爛咗，放工就去咗旺角行波鞋街，係波鞋街行咗成個鐘，終於買咗一對靚波鞋，雖然價錢貴咗少少，但係買到心頭好都係值得嘅，跟住行多一陣，見到付近一間食店 叫美味小鮮肉，一坐低就叫咗一碗豬肉餅湯麵，小食叫揀咗炸春卷，飲品揀咗百事可樂，可樂係最快嚟嘅，跟住到碗麵，肉餅都大件又多，麵都好爽，冇皂水味，加少少辣椒油梗加好食，春卷炸得香脆，入口脆卜卜，一個簡單嘅麵餐好快俾我食哂，跟住帶埋戰利品回家。