Video
Read full review
2019-10-31
3177 views
今日同朋友出咗尖沙咀做facial，見未夠鐘早到咗所以諗住搵間茶樓坐低飲個茶食個包傾吓計，搵搵下見到間好多人讚嘅圓山台灣料理，聽個名唔知原來係茶樓，睇食評先知原來點心小菜特色小食樣樣齊！呢個入口比較隱蔽，但其實就係諾士佛台下面。點餐只實在太多張，比住呢張大家參考下先。上網啲食評話燒賣好食所以叫咗兩籠，喂原來真係好好食！半肥瘦豬肉混合蒸出嚟實肉好有口感，肉質鮮甜多汁，又大粒又好味！必食推薦蒜蓉蝦春卷！個春卷皮吹到索索聲！熱辣辣即叫即炸！而且皮薄餡靚，鮮蝦大大粒，鮮甜又多汁，重點係唔會好油，點埋黑醋吊味，蒜香大大提升，蝦肉更滑溜👍🏻同尋日飲茶一樣都叫咗小籠包，不過呢隻係台式小籠包，一咬落去滿滿湯汁！豬肉餡唔會霉霉爛爛，品嚐到純鮮肉嘅鮮味！同埋個皮做到超薄！好有水準！唔係講笑架啲湯多到朗夏朗下咁蝦腸勁高質晶凝通透，而且皮嘅厚度適中，咬落似斷難斷嘅感覺，即使放涼左都仲有Q彈嘅口感！鮮蝦就唔使講啦，大大粒上圖已示！係每次飲茶必點嘅點心👍🏻👍🏻👍🏻蘿蔔糕要切得好食，切嘅厚度好重要！要切得平均先至做到外脆內嫩，佢呢隻真係金黃香脆，而且粒粒臘腸大大提升蘿蔔糕嘅香味！食兩件都唔會有飽濟感！正同琴日飲茶一
呢個入口比較隱蔽，但其實就係諾士佛台下面。
點餐只實在太多張，比住呢張大家參考下先。
上網啲食評話燒賣好食所以叫咗兩籠，喂原來真係好好食！半肥瘦豬肉混合蒸出嚟實肉好有口感，肉質鮮甜多汁，又大粒又好味！
必食推薦蒜蓉蝦春卷！個春卷皮吹到索索聲！熱辣辣即叫即炸！而且皮薄餡靚，鮮蝦大大粒，鮮甜又多汁，重點係唔會好油，點埋黑醋吊味，蒜香大大提升，蝦肉更滑溜👍🏻
同尋日飲茶一樣都叫咗小籠包，不過呢隻係台式小籠包，一咬落去滿滿湯汁！豬肉餡唔會霉霉爛爛，品嚐到純鮮肉嘅鮮味！同埋個皮做到超薄！好有水準！
唔係講笑架啲湯多到朗夏朗下咁
蝦腸勁高質晶凝通透，而且皮嘅厚度適中，咬落似斷難斷嘅感覺，即使放涼左都仲有Q彈嘅口感！鮮蝦就唔使講啦，大大粒上圖已示！係每次飲茶必點嘅點心👍🏻👍🏻👍🏻
蘿蔔糕要切得好食，切嘅厚度好重要！要切得平均先至做到外脆內嫩，佢呢隻真係金黃香脆，而且粒粒臘腸大大提升蘿蔔糕嘅香味！食兩件都唔會有飽濟感！正
同琴日飲茶一樣都係叫咗包汁鳳爪，不過呢隻唔同，呢隻勁重膠質而且鳳爪冇雪味，炆到又淋又入味！有種好黏口嘅口感！
牛肉球雖然味道冇乜特別，但口感多層爆汁，集鮮，嫩，滑，彈於一體！最正係佢完全冇芫荽㗎！平時因為怕食芫荽所以唔食牛肉球，呢隻我都食得🤗
Facebook點讚仲送甜品添！
椰汁紅豆糕，好重椰香又滑溜，正呀！
呢間茶樓樣樣點心都做得好出色！最緊要係新鮮同埋性價比高，我都係依家先知原來尖沙咀得飲茶，下次要來試埋佢啲台灣小菜先得！
Post
