Maison Gaia

Open Now

Now Closed

七月又到啦，又係周年紀念嘅慶祝月份，今次揀咗嚟呢間餐廳，雖然地方不大，但係星期六日假期有歌手主場演唱，又有大屏幕播不同地方嘅場景，就係比呢啲嘢吸引咗，加上佢係半自助餐嘅形式，啱晒唔係食得多，但又好想食沙律甜品嘅為食男女，雖然係星期六，但係因為要返工，所以大約八點先至到，餐廳收10點，來到只有三幾台客，不止環境好，氣氛好，服務更加好，點好法真係要自己來感受吓啦，食物都係正常，唔算得上好驚喜，睇食評都有啲唔係幾好，不過我覺得OK喎，我有一個習慣喺OpenRice book位嘅時候會有得俾你揀係慶祝生日周年紀念定係聚會，雖然揀嚟都冇乜特別，但係都會習慣填咗，今次我填咗周年紀念，食到尾聲嘅時候餐廳都冇晒人，當時只係九點幾，侍應突然攞一碟寫上happy anniversary嘅蛋糕仔過嚟，仲同我哋講周年快樂，台上嘅歌手係外國人，佢仲特別唱咗首歌俾我哋聽🤭😍感覺好窩心。真係比足一百分。一定會再嚟。🤭😍😋今日食咗肉眼西班牙乳豬，仲有西冷扒三文魚🤭佢啲甜品同埋湯都好味。其實選擇都算多👍🏻👍🏻