Video
Read full review
2021-05-31
11 views
同朋友買完嘢係附近行街見到呢間酒吧幾得意，除左酒之外仲有賣拉麵，就同fd黎食個下午茶飲杯嘢🙈小店地方唔算大，但裝修十分有格局，有高檯、有吧檯、有窗邊檯，更又有適合同三五好友知己一齊坐嘅卡座🤣一入到去坐低，老闆娘就好熱情招呼問肚唔肚餓，推薦佢地呢到嘅特色拉麵同沾麵俾我地😆等嘢食嘅過程中同老闆娘傾計先知原來佢地以前唔做午市，收到疫情影響特登開午市黎增加生意，而且佢地嘅師傅曾經係米芝蓮一星餐廳到做，對嘢食特別有要求，湯底同叉燒都係自家製作，搞到我更加期待🤩蝦片、花生、開心果同芥末豆係每檯客人都贈送嘅小食，等嘢飲同嘢食過程中可以試下小食，過下口癮🥰我最喜歡蝦片，好食之餘，都好少酒吧會提供蝦片🤭自家製黑豚叉燒拉麵 例牌$98（9.5/10）除左例牌仲有加大版，加大就會多兩塊叉燒，一塊叉燒都好大，差唔多我一個手掌🖐🏻自家製叉燒同出面連鎖店食到嗰啲真係好大分別，肥瘦比例均勻，師傅醃製得夠入味。即使是厚切，都可以食到肉香之餘，因為每層脂肪比例均勻，食落軟淋完全唔韌👅而且厚切的話啖啖肉食落更加有口感🤤溏心蛋都係上乘製作，蛋白滑溜，蛋黃食落中間仲係流心💖最特別呢碗拉麵會加左店舖自家製嘅肉碎，少少辣，撈埋肉
同朋友買完嘢係附近行街見到呢間酒吧幾得意，除左酒之外仲有賣拉麵，就同fd黎食個下午茶飲杯嘢🙈小店地方唔算大，但裝修十分有格局，有高檯、有吧檯、有窗邊檯，更又有適合同三五好友知己一齊坐嘅卡座🤣
一入到去坐低，老闆娘就好熱情招呼問肚唔肚餓，推薦佢地呢到嘅特色拉麵同沾麵俾我地😆等嘢食嘅過程中同老闆娘傾計先知原來佢地以前唔做午市，收到疫情影響特登開午市黎增加生意，而且佢地嘅師傅曾經係米芝蓮一星餐廳到做，對嘢食特別有要求，湯底同叉燒都係自家製作，搞到我更加期待🤩
蝦片、花生、開心果同芥末豆係每檯客人都贈送嘅小食，等嘢飲同嘢食過程中可以試下小食，過下口癮🥰我最喜歡蝦片，好食之餘，都好少酒吧會提供蝦片🤭
自家製黑豚叉燒拉麵 例牌$98（9.5/10）
除左例牌仲有加大版，加大就會多兩塊叉燒，一塊叉燒都好大，差唔多我一個手掌🖐🏻自家製叉燒同出面連鎖店食到嗰啲真係好大分別，肥瘦比例均勻，師傅醃製得夠入味。即使是厚切，都可以食到肉香之餘，因為每層脂肪比例均勻，食落軟淋完全唔韌👅而且厚切的話啖啖肉食落更加有口感🤤溏心蛋都係上乘製作，蛋白滑溜，蛋黃食落中間仲係流心💖最特別呢碗拉麵會加左店舖自家製嘅肉碎，少少辣，撈埋肉碎一齊食又多一種風味😌
日式沾麵 $128（8.5/10）
呢碗仙氣十足嘅沾麵好適合我地兩位小仙女享用👑上到檯準備好相機，老闆娘倒水落碟邊，我地兩位小仙女仙氣即刻飄上黎🧚♀️即刻錄低片po IG story🤣沾麵配料有三文魚、鮑魚、溏心蛋同蟹柳，麵係寬條麵，麵條可以沾到更多汁，有個特別濃郁嘅沾麵汁for點麵條，仲有個wasabi豉油for點三文魚。沾麵汁係熱嘅，如果喜歡食濃郁口味嘅可以點🤭我個人就鍾意點wasabi豉油冷食，咁樣麵條食落更加有彈性，而且夏天冷食更消暑☺️
炸雞翼 $60一份4件（8/10）
我地兩個女仔比較細食，老闆娘好好咁俾我地可以叫半份黎食，雞翼有研製而且入味，表皮炸得香脆，有啲辣椒仔同洋蔥粒係面，表皮食落多左種辣辣地嘅刺激，內裡雞肉嫩滑。唯一就係價錢略貴，如果係$40 4隻雞翼的話，我會更加推薦大家叫黎食🤭
總評：嘢食講左咁多就唔多作介紹。服務方面，如果你係鍾意人情味小店，呢間酒吧你一定會喜歡，唔繁忙的話，老闆娘會主動同你傾計，甚至幫你諗下點慳錢🤣我見好幾檯本身諗住單點Guinness黑啤，係老闆娘介紹買二送一優惠下，同朋友一齊揀左優惠飲品，慢慢飲🤣
Post
