羲和雅苑

Open Now

Now Closed

今日去咗海港城買太陽眼鏡，順便喺埋海港城食，行到過嚟呢一邊近海，有兩間餐廳，我們選擇了食片皮鴨。我們兩個人叫咗半隻鴨，但是其實都很大份，吃不完。最喜歡這裏的特色是有三部曲，分別是鴨皮，鴨肉，和傳統片皮鴨。配上藍莓醬，爆炸糖，山楂，可以解去油膩感覺，亦都甜甜地，另一種食法，是這裏獨有的。叉燒王一定要叫，因為入口即溶，但又不會全部是肥膏，煙燻嘅味道令到叉燒旁邊少少脆口，配上蜜糖，仲有芥末醬，真的是上等叉燒。三色蒜泥白肉少少辣，但是因為有配合蔬菜絲，鮮咗成碟都非常之清新，以蔬菜為主，蒜蓉整得非常香。秋葵整得非常之入味，就算平時怕食秋葵的潺潺感覺，這間餐廳亦能夠去除，反而令秋葵更加脆口，更加朔盡醬汁。黃扒魚肚湯底非常入味，大大隻魚肚，飲完暖笠笠。小肉餅是手工菜，食落有啲似上海鍋貼，入面有肉，出面就輕輕煎過。仲有上海醋配合，不會覺得很油膩。紅棗桃膠非常之補身，糖水帶有香濃的薑汁味，熱辣辣上枱。