新港海鮮火鍋

Open Now

Now Closed

平時打邊爐都係去連所店打，自從加入左火鍋關注組，就開拓左我既眼界。同男友一齊去食，門面簡單係傳統港式火鍋店，主打「平，靚，正」路線。我地無book位，我地食5:30所以有位，8點交枱。叫左個優惠孖寶HKD348新港豬骨煲一個+北美象拔蚌（約斤半至兩斤）嘩！煲入面有3至4大舊豬骨，4-5舊粟米，蘿蔔等等，真材實料，我地都食晒d豬骨。象拔蚌新鮮爽口，男友食唔停口，一大半俾佢食晒。隨後叫左安格斯牛，鮮鵝腸，原味韭菜，黑松露蝦滑，牛柏葉，花雕雞子。安格斯牛好好味鵝腸都幾好，其他ok。唯獨黑松露蝦滑同花雕雞子有少少失望，黑松露蝦滑同花雕雞子未煮熟之前好香，熟咗就無左黑松露同花雕味。最後仲有埋椰汁甜品。會再有下次。要讚讚佢地，服務都好好，有人情味。