尚海人家 (TKO Gateway) (Closed)

去坑口站買啲野，順便買外賣返屋企，唔使煮飯，$250餵飽4個人。每個套餐都包兩隻皇牌生煎包，呢度嘅生煎包真係超正，一咬就爆汁，肉汁四濺，必叫！仲有佢個底脆脆，出面有好多都做唔到。仲試咗韭菜生煎包，韭菜味濃但唔會太過火,值得一試！上海排骨擔擔麵 $59外賣係湯底同麵分開上，湯底辣味夠，岩哂唔開胃嘅夏天。蟹粉拌麵 $79鍾意佢麵質煙韌，撈勻蟹粉食好滋味。蔥油雞扒菜飯 （$53） 雞扒色澤漂亮 ，係上週熱門美食排行榜既第三位。上海紅燒肉菜飯套餐 （$59）佢真係用五花腩肉黎製作，肉同脂肪比例各半。