MOS Cafe

Open Now

Now Closed

夜晚睇完戲有少少餓，黎到有飯食既mos cafe，不過我都係鐘情佢既漢堡多啲。今次就試左炸蝦漢堡($25)，跟左雞塊餐($25)。點餐後店員會比個號碼牌你，坐低將個牌擺係枱面，店員就會將食物送上黎。晚上九時，餐廳都仲係好多人，但未算滿座。等左幾分鐘，店員就送上食物啦！🤙🏻送餐時店員仲會講唔好意思要你等咁耐，真係好有禮貌🤙🏻Mos burger 既漢堡，賣相就係靚囉！蝦堡入面有沙律醬，內容就有炸蝦堡同生菜。個包真係好鬆軟，咬落好鬆化，同平價包就係唔同。蝦堡個內容當然就有蝦啦，啲蝦係真係一隻隻咁係入面，並不是切開左的。不過講真個蝦堡就唔算熱，應該就擺左一會兒，但都算脆既。每次食mos burger 都必嗌既摩斯雞塊，食過一次真係返唔到轉頭，今次仲要係啱啱整好，熱辣辣！咬落去嗰下除左好熱，就係食到個雞塊係有汁係入面！唔似麥記嗰啲咁炸到乾憎憎，真係超級好食！如果想食質素高少少既漢堡，絕對推介大家食mos burger，質素真心高架。