FAMA (Closed)

屋企冇飯食又出咗去開餐，平時都會去工廈餐廳品嚐美食，是日晚餐就去呢座工廈享受一下呢度人氣美食，餐廳係自助形式服務先入去揾位坐定再睇下餐牌菜式，有扒類、漢堡、意粉、沙律以及小食再去櫃檯前order同付款等通知再取食物等一陣已有呢款小食炸魚塊+薯條，香脆美味嘅魚塊沾上醬汁一邊食滋味十足，再食埋熱辣辣嘅脆薯條同配菜輪到晚餐主菜有德國巨型咸豬手配番薯條，需時20分鐘耐心等候晚餐套餐已有餐飽同西湯連一杯飲品，當然最吸引一定係呢份德國巨型嘅咸豬手一件件皮脆肉嫩咸豬手，色香味俱全而且份量十足，入口啖啖肉之餘又有一點油香肉質飽滿口感十足，食埋佢開胃配菜真係越食越惹味不知不覺享受一餐豐富美食。