黑布小巷

Open Now

Now Closed

朋友帶路，今晚去咗荔枝角啲工廈食台灣嘢😍我哋去到嘅時候冇乜人，點知越夜越精彩…八點幾已經全場坐滿晒！見到個個都食吐司，我哋都點咗一份烤雞腿芝士蛋吐司，都等咗一陣先上枱，吐司份量十足，芝士同蛋真係無敵嘅配搭，雞扒好Juicy，好好味😋😋😋 呢個吐司嘅份量大到可以當一份正餐咁！之後仲食咗炸雞扒滷肉便當，便當嘅炸雞都酥脆可口，飯面仲有濃味嘅滷肉同少少辣嘅配菜，成個飯都好好味。眼闊肚窄，仲叫咗台式香腸，味道甜甜哋，一咬開就爆哂汁，好正呀👍食完正餐當然要食甜品啦～ 桂圓杞子芋圓好滋補，芋圓口感煙靭，唔錯！