海天薈

Open Now

Now Closed

一次過試嗮幾個招牌菜，果然好得！片皮鴨一食只系$138，簡直超值，皮好香脆，完全冇「So」味，脆皮BB乳鴿又係超抵食$38隻，唔叫對唔住自己！酥炸牛肋條好鬆脆，啱曬配紅酒，一向鍾意食蝦子柚皮，見到餐牌有這個菜，梗係要試一下啦，大滿足！生炒上肉牌都係招牌菜，下次再嚟食一定會再叫。仲有豉油王鵝腸，份量好足而且好新鮮，配辣椒油食好好味！酸菜魚好麻辣，好彩朋友之中有好幾個都好食得麻辣。其實我八個人食咗好多嘢，但係都忍唔住叫埋豉油王銀牙炒麵，再配一鍋生滾泥鯭粥，最後仲有紅綠豆沙糖水送，為晚飯劃一個完美句号。餐廳招呼好好，性價比高，所以會再嚟。