麵屋丸京

Open Now

Now Closed

作為一個拉麵fans嘅我，得閒就會周圍搜羅下啲拉麵鋪🧐每次經過呢一間細細的鋪頭，入邊都會坐滿晒人😲於是今次就決定揀呢一間拉麵店嚟試吓佢🍜佢哋主打五款拉麵，亦有分濃湯或清湯。我就帶咗半熟卵拉麵配濃湯；而朋友就嗌咗極上拉麵，亦都係配濃湯。先講湯底，相信佢哋熬咗好耐，比較杰身，但同時亦唔算好鹹。湯底非常夠熱，能令拉麵食到最後都保持溫度。麵質係我喜歡嘅粗麵，彈牙之餘亦能掛起湯汁，每一啖食落口都係味覺嘅享受🤤相信半熟蛋係呢碗麵嘅焦點，果然冇令我失望，非常入味，口感亦都好好添！朋友嗰碗極上拉麵，唔同之處就係多叉燒。叉燒肥瘦適中，賣相亦都燒得非常之靚，肉質鮮嫩，每塊夾埋啲蔥同埋浸住幾啖湯咁食，味道真係做得非常不錯！！朋友仲話好食到飲晒碗湯添😳其實以呢個價錢可以食到一碗咁好食嘅拉麵真係會好開心！如果朋友問起我有咩好食嘅拉麵推介，呢間都會係我嘅心水之一！🤤