Video
Opening Hours
Today
12:00 - 15:00
17:30 - 21:00
Mon
Closed
Tue - Sun
12:00 - 15:00
17:30 - 21:00
Above information is for reference only. Please check details with the restaurant.
今日嚟到葵芳食拉麵，午餐時間都幾多人排隊 🤣見到人龍係信心既保證😆餐廳環境乾淨，有bar枱同幾張枱，環境唔算大，餐廳有限時用餐時間為45分鐘，食麵黎講都算充足😛佢有得揀唔同既湯底，例如濃湯，清湯，黑蒜濃湯，仲有清新啲嘅柚子胡椒湯，同埋小蝦干醬油清湯，我今次揀左濃湯既丸京拉麵，入邊有真叉燒三塊和叉燒三塊😋細食嘅朋友都可以叉燒三塊，價錢仲平d🤣拉麵賣相好吸引，麵都非常彈牙，湯底好味！叉燒都好有肉味，值得一試😗
continue reading
一個人成日唔知食咩好經常都會幫襯的一間拉麵店之前葵芳未有都向觀塘食開雖然呢間店地方較細但都似返啲日本食果啲小拉麵店環境真叉燒真係本人致愛平時比較唔少食肉呢度既叉燒食落去啲肉唔係嚡熠熠果種好軟身又唔太咸份量又多而我比較鍾意清湯類佢仲有幾款湯底選今次試新出既柚子味既清湯底食落唔黏口又清新🥰仲有濃湯的、櫻花蝦的鍾意濃味啲可試麵質剛好 不硬又不太軟 有少少咬口熱烈推介😋😋😋而家佢午餐時間叫餃子送飲品👍🏻性價比好高😍
continue reading
經過葵芳成日都見到呢間拉麵，今日終於入嚟一試，本身冇抱住太大嘅期望，但竟然味道唔差，係一間可以encore嘅拉麵🤩🍜豚骨拉麵（$78）我叫咗濃湯底嘅豚骨拉麵，濃湯飲得出有筍嘅味，我個人好鍾意食筍，呢個湯底每一啖都感覺吸收咗筍嘅精華，加上青蔥做點綴，加上薄薄地嘅叉燒，女仔食嘅話其實份量係夠大。🍜真叉燒拉麵（$108 ）問咗職員真叉燒同普通叉燒嘅分別，係真叉燒係用慢煮嘅方式，所以比起普通叉燒，睇落會更加粉紅色，而肉質都更加嫩滑，對比過之後真係真叉燒比較肉質薄嫩啲，total有八塊叉燒，老公食咗都好飽😂🍗唐揚炸雞（$35 ）唔知點解雞皮炸到有啲燶燶地苦苦地，但入邊嘅雞肉係Juice嘅，呢一點如果再改良吓會更加好🥺
continue reading
有4款拉麵，我地點左6塊真叉燒拉麵，同埋一叉燒半一半真叉燒的拉麵，仲有炸雞同桃味梳打、蘋果梳打。晚上都幾多人，我地等左10分鐘就可以入座。好豐盛呀，成枱都係肉呀，勁多叉燒。真叉燒拉麵 $108揀左清湯，有醬油湯底加豚骨湯嘅味，好飲唔膩。真叉燒肉質較嫩，好似ham咁嫩嫩地，肉感滿滿。幼麵口感很好，硬身d，但都掛到湯汁，份量唔多，不過食完好飽。丸京拉麵 $100有3塊叉燒及3塊真叉燒，可以一次食到2款叉燒，口感唔同。叉燒偏硬肉質，但肉味突出，有咬口，係傳統叉燒味道。流心蛋超正，好濃蛋香，入口爆發蛋黃流心，滿足。七味炸雞 （5件）$35，份量大又抵食，不過油左d碟底超多油，加左七味粉，香辣酥脆，雞肉嫩彈好咬。蘋果梳打 $22桃味梳打 $22兩款都果味重，富果香，甜美梳打，有氣飲品好清爽。
continue reading
成日去葵涌廣場又搵個地方坐低食嘢可以過去對面馬路食呢間麵屋丸京拉麵都座得幾舒服 講返個拉麵 真叉燒拉麵 $108 真叉燒6塊 糖心蛋1隻雖然呢一個貴$8有冇筍但係真叉燒真係好好食 煮到軟腍腍我估應該係用慢煮嘅方法去煮丸京拉麵 $100 真叉燒3塊 叉燒3塊 筍 糖心蛋1隻佢真叉燒相對腍啲 感覺入口即溶啲而且普通叉燒就係正常拉麵店食到嘅叉燒仲叫咗個煎餃子午市堂食加小食仲會送一罐飲品佢嘅餃子都好足料係豬肉椰菜餃餃子皮唔會好厚入邊仲好充滿肉汁呢間喺葵涌廣場附近嘅拉麵店真係好值得推介又稱為巷仔拉麵好似去咗日本周圍發掘美食咁大家有時間都可以去食吓呢個真心推介香港高質拉麵店餓底推介
continue reading