Video
Read full review
2022-12-13
91 views
#ftf_銅鑼灣必訪高質精緻台灣菜 環境氣氛極高雅 裝潢華麗，環境極舒適，十四樣嘢食加四杯嘢飲，每一樣都有水準！價錢相對起環境同食物質素，絕對係性價比之選！白滷水八福拼盤 $298⭐️⭐️⭐️⭐️⭐️呢個超抵食，一個價錢可以食到九孔鮑魚、法國鵝肝、鵝腸、鵝頸肉、鵝掌、鵝翼、滷水蛋同冰豆腐，滷水味道調得剛好，唔會太鹹，可以食到食材嘅鮮味，鮑魚、鵝肝同鵝腸絕對係大讚！八斗子炒飯 $158⭐️⭐️⭐️⭐️⭐️呢個炒飯絕對係驚艷！首先食材豐富到不得了，有大量帶子、蟹肉、蟹子同肉鬆，可想而之鮮香味係幾咁濃重！加埋隻彈牙大虎蝦，簡直冇得彈！ 花雕藥膳雞卷 $82⭐️⭐️⭐️⭐️⭐️雞卷厚薄剛好，酒味唔會話太濃烈，花雕淡薄得來又好long lasting，可以食到其他藥材同埋雞肉嘅鮮味！燒香鳳梨芭樂安格斯牛小排 $188⭐️⭐️⭐️⭐️⭐️雖然菠蘿唔係話太甜，但酸酸地都幾開胃，牛小排牛味濃重有脂香，肉質鮮嫩，油脂分布均勻，配搭令人讚嘆！秘製台汁花膠豬手石鍋 $208⭐️⭐️⭐️⭐️相對之下，呢個就係預計之內嘅味道，豬手炆得超軟腍，雖然唔係話太驚喜，但其實都唔錯，味道香濃得來又唔會太鹹！黑松露奶油百合花 $138⭐️⭐️⭐️⭐️⭐️中式嘅材料配西式嘅醬汁，
必訪高質精緻台灣菜 環境氣氛極高雅
裝潢華麗，環境極舒適，十四樣嘢食加四杯嘢飲，每一樣都有水準！價錢相對起環境同食物質素，絕對係性價比之選！
白滷水八福拼盤 $298
⭐️⭐️⭐️⭐️⭐️
呢個超抵食，一個價錢可以食到九孔鮑魚、法國鵝肝、鵝腸、鵝頸肉、鵝掌、鵝翼、滷水蛋同冰豆腐，滷水味道調得剛好，唔會太鹹，可以食到食材嘅鮮味，鮑魚、鵝肝同鵝腸絕對係大讚！
八斗子炒飯 $158
⭐️⭐️⭐️⭐️⭐️
呢個炒飯絕對係驚艷！首先食材豐富到不得了，有大量帶子、蟹肉、蟹子同肉鬆，可想而之鮮香味係幾咁濃重！加埋隻彈牙大虎蝦，簡直冇得彈！
花雕藥膳雞卷 $82
⭐️⭐️⭐️⭐️⭐️
雞卷厚薄剛好，酒味唔會話太濃烈，花雕淡薄得來又好long lasting，可以食到其他藥材同埋雞肉嘅鮮味！
燒香鳳梨芭樂安格斯牛小排 $188
⭐️⭐️⭐️⭐️⭐️
雖然菠蘿唔係話太甜，但酸酸地都幾開胃，牛小排牛味濃重有脂香，肉質鮮嫩，油脂分布均勻，配搭令人讚嘆！
秘製台汁花膠豬手石鍋 $208
⭐️⭐️⭐️⭐️
相對之下，呢個就係預計之內嘅味道，豬手炆得超軟腍，雖然唔係話太驚喜，但其實都唔錯，味道香濃得來又唔會太鹹！
黑松露奶油百合花 $138
⭐️⭐️⭐️⭐️⭐️
中式嘅材料配西式嘅醬汁，配搭新穎，中西合璧，天下無敵！奶油味道調配得宜，creamy得黎完全冇膩感，味道係喜出望外咁夾！
野生豬脆皮炸大腸 $108
⭐️⭐️⭐️⭐️
香脆得黎唔油膩，而且處理得好乾淨，中間完全冇肥膏，夾住舊瓜、點埋啲甜酸醬一齊食，正！
蟹肉蛋白泡泡脆米金湯$138
⭐️⭐️⭐️
呢個打卡一流，蟹肉同埋帶子份量都算多，但個湯嘅味道可以再濃啲～
波士頓龍蝦脆豆金瓜 $328
⭐️⭐️⭐️⭐️
龍蝦肉質彈牙，但個人嚟講，覺得味道稍為鹹咗少少，不過入面嘅脆米餅、南瓜脆片同秋葵都十分香脆！
烏蠅頭爆炒韭菜花 $98
⭐️⭐️⭐️
味道正常發揮，不過不失～純粹有個菜食下咁，冇乜特別。
八寶冰 $52
⭐️⭐️⭐️⭐️
綠茶蕨餅、芋圓、小丸子、珍珠都幾煙靭，雪糕雖然係普通嘅雲呢拿味，但意外地出色。不過啲冰就要自己加煉奶同黑糖先有味，個冰底唔係預先打好/調味。
流心可可香蕉冰淇淋鬆餅 $108
⭐️⭐️⭐️⭐️⭐️
俾個名欺騙左，原來係窩夫，哈哈！一開頭覺得冇乜特別，但我同朋友都覺得呢個越食越好味，窩夫香脆加埋雪糕，冰火交融！
桃膠燉蛋白 $60
⭐️⭐️⭐️⭐️
質地滑油，重奶味，暖笠笠之選！
黑糖珍珠奶油鬆餅 $128
⭐️⭐️⭐️⭐️
鬆餅厚實，好有份量，入邊夾埋珍珠同奶油，極之澎湃！本身係想食呢個pancake先，點知叫錯咗窩夫，然後先再叫你過，但相對之下竟然覺得窩夫出色啲！唔知係咪因為已經食得太飽，哈哈哈！
紅棗杞子桂圓紅棗米水$38
柚薑米水 $35
⭐️⭐️⭐️⭐️⭐️
質地厚身，米味濃郁，好足料，養生之選！
檸檬愛玉 $42
⭐️⭐️⭐️⭐️
大大杯，甜度適中，酸酸微微，消滯開胃！
蜂蜜茉莉綠茶奶蓋 $42
⭐️⭐️⭐️⭐️
正常發揮，奶蓋厚身，但稍為唔夠鹽味～
回頭率🤡🤡🤡🤡🤡
性價比🤰🏻🤰🏻🤰🏻🤰🏻🤰🏻
#feedtiffood #吃吧孩子 #吃到懷孕
Post
