紅堂 (Closed)

天氣開始轉涼，就會心癮起想打邊爐，咁啱早排經過見到，又忍唔住走入去食！🙈餐廳氣氛十足，完全唔似平時嘅港式或者台式火鍋店，燈光暗暗地，好適合Friday night，weekend同朋友相聚嘅餐廳。呢度主打麻辣火鍋，有3款可以選擇，而我哋就揀咗清油養生麻辣鍋。望落嗰樣睇落好辣（雖然係少辣哈哈哈），但食落超香。湯底仲有凍豆腐、鴨血做湯料，索晒啲汁！•鴨血🐦•-由於我哋唔知湯底內有鴨血，我哋自己都叫咗碟鴨血哈哈。雖然係咁，但我哋兩個都覺得值得另外叫多一碟，因為質地好軟身，好有台灣嗰種味道。•即炸紫菜響鈴🔔•-打邊爐又點可以少得響鈴呢？而且呢度聲稱即叫即炸，一定要食啦咁～就咁食就脆卜卜，而浸落湯到必有另一番風味，紫菜味道特別香濃。•極尚牛舌🐮•-重頭戲嚟啦～😍其實我一直都好想打邊爐試下食牛舌，但又好擔心會好硬。不過，見到個名寫明秒殺都相信係薄切，好吸引嘅情況下就小試牛刀luuuu～果然！！！好好味，肉質嫩身，而且牛味好出，食完一塊又一塊，大家記住千祈碌大約20秒已經熟啦，唔好碌太耐。而西班牙霜降肉，油脂均勻，肉質彈牙。呢個價錢有咁嘅份量我真係覺得好抵，有機會嘅一定要encore！🤤🤤