大飯糖甜品小食屋 (Moved) New Location

難得來到洪水橋約朋友，梗係要食咗甜品先走啦！朋友介紹呢間大飯糖甜品小食屋～～～～喺洪水橋輕鐵站附近好方便，行過去只需要5－10分鐘左右，真係好近，完全唔難去！！！！！入面食物款式都幾豐富，除咗甜品，仲有腸粉，魚蛋，燒賣，咖喱拼盤等等熱辣辣嘅小食，食個下午茶都可以好多選擇，要填肚子亦可以。我自己就想食啲甜嘢，諗咗一陣，最後決定揀我最鍾意食嘅朱古力甜品。老闆推介朱古力心太軟配3.6牛奶軟雪糕（$55）。呢個甜品雖然好常見，但要整得好都唔係咁簡單，見過好多餐廳出品嘅心太軟都係『鐵石心腸』，但呢度嘅呢個甜品真係好有驚喜！！！！！！！！！！！！！！！！！！！！！首先個朱古力心太軟外皮脆脆地，一切開朱古力就會洶湧出黎，流心度不錯， 而且朱古力帶點甘苦，唔會太甜，最意想不到係個自家製雪糕！估唔到牛奶味真係會咁濃郁，而且口感軟滑，奶味香濃～ 配朱古力心太軟一齊食岩岩好！正呀！