打邊爐海鮮火鍋燒烤店 (Closed)

尋晚同朋友食飯，book左枱去到就有位坐，我地叫左花鵰酒湯底黎打邊爐，配料方面叫左碟雞，兩碟唔同款嘅牛肉，鵝腸，四寶丸，芝士丸，雲吞，水餃，魚皮餃，響玲，山根，冬瓜，薯仔，午餐肉，仲有炸魚皮，之後我地仲叫多個酸菜烤魚添首先講下個酸菜烤魚先，條魚炸完之後放係d芽菜同秀珍菇上面，面頭再鋪多一層芹菜，連埋湯一齊加熱，滾嘅時候已經香到流哂口水，等我試左底果d芽菜同秀珍菇先，原來佢地已經索哂d精華，咬落好多汁好好味，條魚食落好滑，一d都唔會覺得煮得太老，連我哩個唔鍾意食魚嘅人都俾佢吸引到，食到停唔到口，所以酸菜烤魚好快就俾我地清哂lu其實我地一路食魚果陣，隔離果煲花鵰酒湯底已經同步進行中，d雞好大件又唔肥，食落又唔“鞋”口，兩款唔同嘅牛肉都好出色，特別係手切牛肉，厚度適中牛味濃郁，好啱d鍾意食牛肉嘅朋友， 學朋友仔話齋“哩碟牛肉無得輸呀”，手打 四寶丸好彈牙，可惜已經好飽如果唔係我會叫多碟，本人對炸魚皮同響玲好高要求，因為出面有d鋪頭賣嘅炸魚皮就算浸左湯都好，都總會有某d位係好似一舊野咁，硬到咬唔到同埋唔脆，但佢地嘅炸魚皮同響玲完全係符合我嘅要求，所以我一定會再約一大班朋友仔黎再食過p.s侍應們