Video
Read full review
2022-11-15
23 views
今日嚟到上環東街嘅coffee shop食晏～雖然係閒日，但都幾好生意。職員少，但無阻食物質素同服務，嘢食嘢飲都係即叫即整，所以要預留返啲等候時間。都幾多嘢食，仲有自家拜手工意粉。Cafe有手沖咖啡，店主好frieny亦係咖啡控，好詳細咁講解唔同豆、唔同沖法、甚至唔同温度都可以帶岀不一樣嘅咖啡味。我就嗌咗Costa Rica嘅Mozart raisin honey（$85）- 賣相已經好吸引。首先聞下啲磨咗嘅咖啡，真係好香，有朱古力味。然後先飲熱嘅咖啡，有好濃郁嘅黑朱古力味，然後仲飲到啲果味。而最後等到冰溶晒就飲埋用試管裝住嘅凍咖啡，原來同一杯咖啡，凍咗後個味會淡啲，但就有另一翻清幽。牛油果沙律多士（$105）- 估唔到有咁多沙律，多到啲底下嘅麵包都睇唔到。沙律菜同牛油果都好新鮮，唔洗花巧嘢，簡單用啲檸檬汁已經好味又fresh。不得不提個軟熟嘅超厚多士，口感一流。煎太陽蛋（$15）- 另外add-on 煎蛋增加蛋白質😅 有驚喜喎，燶邊流心蛋，勁好食！煙三文魚藜麥沙律（$98）- 色彩繽紛見到都開心😍 用料一啲都唔慳，連粒蕃茄仔都係用荷蘭車厘茄，大大粒又甜，仲有成十幾粒，真係驚喜。爽口嘅
都幾多嘢食，仲有自家拜手工意粉。
Cafe有手沖咖啡，店主好frieny亦係咖啡控，好詳細咁講解唔同豆、唔同沖法、甚至唔同温度都可以帶岀不一樣嘅咖啡味。
我就嗌咗Costa Rica嘅Mozart raisin honey（$85）- 賣相已經好吸引。首先聞下啲磨咗嘅咖啡，真係好香，有朱古力味。然後先飲熱嘅咖啡，有好濃郁嘅黑朱古力味，然後仲飲到啲果味。而最後等到冰溶晒就飲埋用試管裝住嘅凍咖啡，原來同一杯咖啡，凍咗後個味會淡啲，但就有另一翻清幽。
牛油果沙律多士（$105）- 估唔到有咁多沙律，多到啲底下嘅麵包都睇唔到。沙律菜同牛油果都好新鮮，唔洗花巧嘢，簡單用啲檸檬汁已經好味又fresh。不得不提個軟熟嘅超厚多士，口感一流。
煎太陽蛋（$15）- 另外add-on 煎蛋增加蛋白質😅 有驚喜喎，燶邊流心蛋，勁好食！
煙三文魚藜麥沙律（$98）- 色彩繽紛見到都開心😍 用料一啲都唔慳，連粒蕃茄仔都係用荷蘭車厘茄，大大粒又甜，仲有成十幾粒，真係驚喜。爽口嘅沙律菜配上藜麥、松子更有口感，而煙三文魚都有兩片。用紅酒醋同油製成嘅沙律汁酸酸地更開胃。
Post
