翔壽司 (Closed)

小小嘅尖沙咀呢排好似開咗好幾間立食壽司店，之前都曾經幫襯過其中一兩間，但厚福街呢間每次經過都見到好多人，所以到今日排左一陣隊終於有機會幫襯🍻今晚唔算好肚餓，所以兩個人決定帶幾樣野小事牛刀！見到拖羅海膽杯價錢唔算貴，抱住佢嘅份量應該都唔會話好誇張嘅心態下，點知....嘩，賣相已經非常吸引，啲三文魚子滿到瀉，而且海膽嘅份量非常慷慨🤤🤤反而壽司飯唔會佔好多，我每一啖飯都配上拖羅蓉同海膽一齊送口，兩者係我口腔上產生嘅化學作用，閉上眼每一啖都好幸福。鮮甜充斥着整個味蕾，正呀！😆😆精選刺身盛合有三文魚、油甘魚、甜蝦、池魚、帶子。每樣食材都好新鮮，以呢個價錢都唔算貴👍🏻炙燒壽司盛合賣相冇得頂！坊間有啲壽司店嘅炙燒火候控制好唔精準，需知道炙燒嘅精髓絕對係要有均勻嘅火候控制，笑得太過火就會有燶味，但如果太輕手又會好似食緊刺身咁。炙燒吞拿魚腩經過火槍親吻過後，油脂更豐富😏帆立貝亦都係我嘅最愛，燒香過後唔會太乾身之餘更加有風味。立食壽司除咗有套餐之餘，其實仲有好多單點嘅壽司，即叫即做，每一口都係師傅嘅心血！厚福街又多個食點喇😈