丸亀製麵 (百合苑商場) (Closed)

今日唔係好肚餓 但係又驚下晝會肚餓 所以就嚟咗呢間丸龜製麵食個輕量啲嘅午餐啦🍜麻辣肉醬烏冬麻辣肉醬食落有少少似擔擔麵嘅味道 配烏冬麵係一個幾新鮮嘅組合 真係幾特別🙈溫泉蛋烏冬呢個就係最經典嘅款式 主要就係品嚐佢自家製嘅烏冬質感 一間以烏冬作招徠嘅餐廳 烏冬質素當然唔會令人失望啦 烏冬非常彈牙 配合埋溫泉蛋嘅蛋汁同湯底嘅醬油汁 真係一種好經典嘅味道呀😆 仲可以去自助吧加啲脆卜卜既炸漿粒同蔥花 加翻啲顏色比碗烏冬好感受到嗰種越簡單嘅菜式就越高難度 呢個溫泉蛋烏冬就係嗰種可以喺簡單之中帶出不平凡嘅味道🍳 證明只要即使係做一件喺其他人心中唔太重要嘅小事 只要專心做都一定可以做得出令人讚歎嘅成績出嚟🤭