荷華庭園景餐廳 (Closed)

☺️今日同朋友去完林村許願樹之後，就去咗一間位於大埔林村嘅荷華庭園景餐廳食晚餐，餐廳環境優美，有種泰國風情味道，因為部分露天包廂座位好似泰國草屋，餐廳入邊仲有個池塘養左幾條錦鯉，喺度食飯都幾嘆！🥢咁我哋兩個人就叫咗酥炸魷魚圈、檸檬蜜糖單骨雞翼（ 10隻）、燒美國安格斯肉眼扒12oz、意大利青醬虎蝦闊條麵、細嘅焗火焰雪山同埋焦糖燉蛋。🦑酥炸魷魚圈呢份酥炸魷魚圈份量都幾多，咬落給酥脆，唔會太多炸粉，魷魚都幾煙靭，配上沙律醬食so yummy!🐔檸檬蜜糖單骨雞翼每隻雞翼size都幾大隻，咬落Juicy多汁，仲有淡淡檸檬蜜糖香味，鍾意食雞翼千祈唔可以錯過！🐮燒美國安格斯肉眼扒我哋叫咗七成熟嘅肉眼扒，咬落唔會好韌，牛味十足，肉質鮮嫩，再配上燒汁一齊食，有另一番風味！🦐意大利青醬虎蝦闊條麵呢個闊條麵不得了，麵條煙靭，唔會煮得太淋，拌上青醬滋味十足，另外兩隻虎蝦肉質彈牙，pasta menu入面必點！🗻焗火焰雪山(細)呢個焗火焰雪山size俾我想像中大，絕對足夠兩個人食，侍應會喺雪山上面淋少少酒，雪山瞬間着火，呢個畫面都幾震撼，之後佢就淋上一啲朱古力醬俾我哋享用。雪山一切開入邊係蛋白、雜果同海綿蛋糕，