蘇杭冰室

Open Now

Now Closed

有親戚從國內來港旅遊，我帶佢哋去旺角行街買嘢，經過蘇杭冰室，餐廳地方都好大，裝修以北歐簡約風為主調，中式及西餐一應俱全，門口餐牌寫有煲仔麵，親戚話煲仔飯食得多，想試吓煲仔麵，於是我們便入座食晚餐。炭燒羊扒揀咗我五成熟，羊扒則有足足三大件。 所有肉扒不經特別醃製及不用鬆肉粉。肉扒以明火炭燒，肉香之外更有煙熏香氣。配黑椒汁更惹味，薯條係即炸，香脆可口。扒餐送是日例湯，係忌廉湯，味道creamy,蒜蓉包香口，紅豆冰紅豆軟綿，甜度適中，奶味香甜。奇味雞煲煲仔麵，奇味雞煲特色在於香辣惹味，味道自然醇厚，雞件和豆卜都好入味，雞肉嫩滑，麵條掛上醬汁，非常美味！鹹檸七清涼解渴。蔥花蝦仁叉燒滑蛋雙拼飯：滑蛋同叉燒、蝦仁絕對係完美組合，滑蛋非常嫩滑，叉燒散發香氣，入口鬆軟，同時不失肉質的咬口，蝦仁清爽可口，撒上適量蔥花，更添美味！芒果疏乎厘班戟，疏乎厘厚身鬆化輕盈，配上香甜果，是最佳的飯後甜品！