八居酒屋 (天文臺道) (Closed)

朋友提議去尖沙咀嘅《八居酒屋》，餐廳環境舒適開陽，而且座位寬敞，設計簡約以木為主，特意去試一試。餐牌非常特別，就咁打開就可以見到分門別類嘅食物，多款式多選擇。「明太子牛油炒蘆筍」賣相好吸引，好多明太子醬喺蘆筍上面，顏色色彩繽紛，而且炒得好香口好有鑊氣，蘆筍咬落去好爽口，味道鮮甜。「串燒雞翼」雞翼外皮燒得好香脆可口，非常入味，食得出好新鮮嘅雞肉味道。「明太子燒飯團茶漬」配以一碗茶漬，入面有鮮甜味道嘅茶湯，飯團三角形，外脆內軟嘅米飯啖啖香脆，再飲少少茶湯濕濕口，唔會太乾身，必食。「炸雞稻庭烏冬」炸雞同埋湯鳥冬分開上，份量好多，炸雞炸到非常香脆可口，而且肉質鮮嫩，非常滋味，而稻庭烏冬麵質彈牙爽滑。另外「仙台牛舌厚燒」同埋「網燒安格斯肉眼」食落去有非常香濃嘅牛肉味道，新鮮而美味。最後，再叫咗兩杯特飲都好鮮甜，一邊飲一邊食一邊談心，幾寫意。另外，八點前結帳有八折優惠，所以下次一定要早啲去食啦。